កូវីដ-១៩

ត្រឹម២ថ្ងៃមានកម្មករសំណង់នៅការដ្ឋាន អារ៉ាកាវ៉ា ជិត១០០នាក់ឆ្លងជំងឺកូវីដ-១៩

បានផុស

៤ years មុន

នៅ

ថ្ងៃព្រហស្បតិ៍ ២០ ឧសភា ២០២១

ដោយ

ក្នុងរយៈពេល២ថ្ងៃនេះ រដ្ឋបាលរាជធានីភ្នំពេញបានរកឃើញបងប្អូនកម្មករសំណង់ធ្វើការនៅការដ្ឋាន អារ៉ាកាវ៉ា នៅផ្សារទឹកថ្លា ក្នុងសង្កាត់ទឹកថ្លា ខណ្ឌសែនសុខ ប្រមាណជិត១០០នាក់បានឆ្លងជំងឺកូវីដ-១៩ ។

យោងតាមរបាយការណ៍របស់សាលារាជធានីភ្នំពេញបានឲ្យដឹងថា ក្នុងចំណោមកម្មករសំណង់ធ្វើការនៅការដ្ឋាន អារ៉ាកាវ៉ា ឆ្លងប្រមាណជិត១០០នាក់នោះ បានរកឃើញឆ្លងនៅថ្ងៃទី១៧ ខែឧសភា ជាង២០នាក់ និងឆ្លងនៅថ្ងៃទី១៨ ខែឧសភា ចំនួន៦៥នាក់ ក្នុងចំណោមអ្នកឆ្លងសរុបចំនួន១៩១នាក់ នៅរាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរបាយការណ៍ដដែលបានឱ្យដឹងទៀតថា ចំនួនអ្នកឆ្លង១៩១នាក់ដែលសាលាក្រុងប្រកាសកាលពីម្សិលមិញ ក្រៅពីកម្មករសំណង់នៅការដ្ឋានអារ៉ាកាវ៉ា នៅមានកម្មករសំណង់នៅបូរីប៊ូយ៉ុង សែនសុខ ចំនួន៨នាក់ កម្មកររោងចក្រ មន្ត្រីធនាគារ មន្ត្រីយោធា ក្រុមហ៊ុនឯកជន អ្នកលក់ដូរ និងអ្នកដឹកជញ្ជូនជាដើមបានឆ្លងផងដែរ។

បើតាមក្រសួងសុខាភិបាលនៅថ្ងៃទី១៩ ខែឧសភានេះ កម្ពុជាបានរកឃើញអ្នកឆ្លងថ្មីចំនួន៣៩៣នាក់ទៀត ក្នុងនោះឆ្លងសហគមន៍៣៩២នាក់ និងអ្នកដំណើរពីបរទេស១នាក់ជាសះស្បើយ៦១២ និងស្លាប់៣នាក់។

គួរបញ្ជាក់ថា គិតត្រឹមព្រឹកថ្ងៃទី១៩ ខែឧសភា ឆ្នាំ២០២១ កម្ពុជាមានអ្នកឆ្លងជំងឺកូវីដ-១៩ សរុប២៣,២៨២នាក់ អ្នកជាសះស្បើយ១៤,៩៥៥នាក់ និងអ្នកស្លាប់១៥៩នាក់៕

អត្ថបទ ៖ សំអឿន