កូវីដ-១៩

ប្រទេសមួយ បំផ្លាញវ៉ាក់សាំង AstraZeneca ផុតកំណត់ជិត២ម៉ឺនដូស ដែលជាជំនួយរបស់ WHO

បានផុស

៤ years មុន

នៅ

ថ្ងៃព្រហស្បតិ៍ ២០ ឧសភា ២០២១

ដោយ

អាជ្ញាធរសុខាភិបាលរបស់ប្រទេសម៉ាឡាវី បានបំផ្លាញវ៉ាក់សាំង AstraZeneca ផុតកំណត់ចំនួន១៩,៦១០ដូស ដោយបញ្ជាក់ថា ការធ្វើបែបនេះនឹងពង្រឹងទំនុកចិត្តរបស់សាធារណជន នៅក្នុងកម្មវិធីចាក់វ៉ាក់សាំងរបស់ខ្លួន។

Malawi has burned almost 20,000 doses of expired coronavirus vaccines, despite assurances from health organisations that they were still safe to use

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋមន្រ្តីក្រសួងសុខាភិបាលលោកស្រី Khumbize Kandodo Chiponda បានដុតកម្ទេចវ៉ាក់សាំងទាំងនេះនៅក្នុងឡ កាលពីថ្ងៃពុធនៅឯមន្ទីរពេទ្យ Kamuzu Central ក្នុងរដ្ឋធានី Lilongwe។

Malawi got its first consignment of 360,000 AstraZeneca doses in early March from the U.N.-backed COVAX initiative. The country received another batch of 50,000 AstraZeneca doses from the Indian government. With the AU donation, Malawi had a total of 512,000 AstraZeneca doses. Pictured: Vaccines arrive to be destroyed in Lilongwe, Malawi

លោកស្រីនិយាយថា “យើងកំពុងបំផ្លាញវ៉ាក់សាំងទាំងនេះ ពីព្រោះរដ្ឋាភិបាលគ្មានគោលនយោបាយ ប្រើប្រាស់ទំនិញដែលផុតកំណត់នោះទេ។ តាំងពីដើមមក ក្រោមកម្មវិធីចាក់ថ្នាំបង្ការរបស់ប្រទេសម៉ាឡាវី មិនមានវ៉ាក់សាំងផុតកំណត់ណាមួយត្រូវបានប្រើប្រាស់ឡើយ”។

Health Minister Khumbize Kandodo Chiponda (left) presided over the incineration Wednesday at Kamuzu Central Hospital in Lilongwe, the capital

វ៉ាក់សាំងទាំងនេះ គឺជាផ្នែកមួយនៃជំនួយ ១០២,០០០ដូស ដែលបានទៅដល់កាលពីថ្ងៃទី២៦ខែមីនា ក្រោមគំនិតផ្តួចផ្តើមរបស់សហភាពអាហ្វ្រិក (AU) និងអង្គការសុខភាពពិភពលោក (WHO)។ វ៉ាក់សាំងបានផុតកំណត់នៅថ្ងៃទី១៣ខែមេសា។

Chiponda (right) said the burning of the vaccines will prevent those with a negative perception of inoculations from using the excuse of expired vaccines from getting the shots. Pictured: A pharmaceutical expert opens a pack of expired AstraZeneca vaccines before they are destroyed

កាលពីខែមុន WHO បានជំរុញឲ្យបណ្តាប្រជាជាតិអាហ្វ្រិក កុំបំផ្លាញវ៉ាក់សាំង AstraZeneca ដែលផុតសុពលភាព បន្ទាប់ពីប្រទេសមួយចំនួនទទួលបានថ្នាំបង្ការពីឥណ្ឌា។ ប៉ុន្តែនៅសប្តាហ៍នេះ WHO បានផ្លាស់ប្តូរជំហររបស់ខ្លួន ហើយនិយាយថា វ៉ាក់សាំងគួរតែត្រូវបានបំផ្លាញចោល។

Malawi's health ministry said the country had administered 335,232 vaccine doses as of May 18, and recorded 34,231 COVID infections and 1,153 deaths. Pictured: Chiponda lifts out a pack of expired vaccines prior to their incineration

ស្របពេលជាមួយគ្នានោះ ប្រទេសស៊ូដង់ខាងត្បូង ក៏បានទុកចោលវ៉ាក់សាំងចំនួន ៥៩,០០០ដូសដែលផ្គត់ផ្គង់ដោយ AU ផងដែរ ហើយមិនបានប្រើប្រាស់វាទេដោយសារតែបញ្ហាផុតកំណត់ដូចគ្នានេះ៕

ប្រែសម្រួល៖ Vann Vann

ប្រភព៖ Al Jazeera

ចុចអាន៖ FDA អាមេរិក បន្ថែមពេលស្តុកវ៉ាក់សាំង Pfizer-BioNTech ក្នុងទូទឹកកកពី ៥ ថ្ងៃទៅមួយខែ