កូវីដ-១៩

ខេត្តកំពង់ឆ្នាំងរកឃើញអ្នកវិជ្ជមានកូវីដ-១៩ ថ្មី៣នាក់ទៀត ធ្វើឲ្យខេត្តមានអ្នកជំងឺកើនឡើងសរុប៦៨នាក់

បានផុស

៤ years មុន

នៅ

ថ្ងៃសុក្រ ២១ ឧសភា ២០២១

ដោយ

រដ្ឋបាលខេត្តកំពង់ឆ្នាំង នៅល្ងាចថ្ងៃទី២០ ខែឧសភាឆ្នាំ២០២១ បានចេញសេចក្តីប្រកាសព័ត៌មានបញ្ជាក់ឲ្យដឹងថា នៅថ្ងៃទី២០ ខែឧសភា នេះ បានរកឃើញអ្នកមានវិជ្ជមានជំងឺកូវីដ-១៩ ថ្មីចំនួន៣ នាក់បន្ថែមទៀតគឺ ១ . ឈ្មោះ វង់ ចាន់ណា ភេទប្រុសអាយុ២៣ឆ្នាំ មានអាសយដ្ឋាននៅភូមិផ្សារត្រាច ឃុំលង្វែក ស្រុកកំពង់ត្រឡាច ពាក់ព័ន្ធជាមួយអ្នកមានវិជ្ជមាន និងមានប្រពន្ធធ្វើការនៅក្នុងរោងចក្រ GOLDEN APPA RIEL ស្នាក់នៅផ្ទះជួលក្នុងភូមិជន្លាត់ដៃ ឃុំស្វាយ ស្រុកសាមគ្គីមានជ័យ ។ ២.ឈ្មោះ ហម ស្រីនាង ភេទស្រី អាយុ១៩ឆ្នាំ មានអាសយដ្ឋាននៅភូមិឡ ឃុំទួលខ្ពស់ ស្រុកទឹកផុស ជាកម្មការិនីធ្វើការនៅរោងចក្រ ហីរ៉ាយហ្សិន ។ ៣-ឈ្មោះ wang Haifeng ភេទស្រី អាយុ៥២ឆ្នាំ ជនជាតិចិន មានអាសយដ្ឋាននៅភូមិផ្សារត្រាច ឃុំលង្វែក ស្រុកកំពង់ត្រទ្បាច ជាមេការត្រួត ពិនិត្យអាគាររោងចក្រ ហីរ៉ាយហ្សិន ។ អ្នកមានវិជ្ជមានកូវីដ១៩ ទាំង៣នាក់នេះ បានដាក់ឲ្យសម្រាកព្យាបាលនៅមណ្ឌលព្យាបាលវិទ្យាល័យ ហ៊ុន សែន កំពុងត្រឡាច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែក រដ្ឋបាលខេត្តកំពង់ឆ្នាំង បានបញ្ជាក់ឲ្យដឹងថា សរុបអ្នកមានវិជ្ជមានកូវីដ១៩ ក្នុងព្រឹត្តិការណ៍សហគមន៍២០កុម្ភៈ ក្នុងខេត្តកំពង់ឆ្នាំងសរុបមាន៦៨នាក់ស្រី៤០នាក់។ អ្នកជាសះស្បើយសរុប១៩នាក់ ស្រី១២នាក់ ។ អ្នកស្លាប់ចំនួន២នាក់ ស្រី១នាក់។ អ្នកកំពុងសម្រាកព្យាបាលមានចំនួនសរុប៤៧នាក់ ស្រី២៧នាក់៕

អត្ថបទ ៖ ឈៀងថារិទ្ធ