WHO បញ្ជាក់ច្បាស់ៗថា វ៉ាក់សាំងកូវីដ ដែលខ្លួនអនុម័ត មានប្រសិទ្ធិភាពប្រឆាំងនឹងវីរុសបំប្លែងខ្លួនគ្រប់ប្រភេទទាំងអស់

ស្ថាប័នសុខាភិបាលដាច់ដោយឡែករបស់ WHO បាននិយាយកាលពីថ្ងៃព្រហស្បតិ៍ថា វ៉ាក់សាំងការពារជំងឺកូវីដ ១៩ ដែលត្រូវបានអនុម័តដោយ WHO មានប្រសិទ្ធិភាពប្រឆាំងនឹង វីរុសបំប្លែងខ្លួនគ្រប់ប្រភេទទាំងអស់ ។

នាយកប្រចាំតំបន់របស់ WHO ប្រចាំទ្វីបអឺរ៉ុប លោក Hans Kluge បាននិយាយថា “រាល់វីរុសកូវីដបំប្លែងខ្លួនទាំងអស់ ក៏អាចត្រូវបានគ្រប់គ្រងតាមរបៀបដូចគ្នា ជាមួយនឹងវិធានការសុខភាពសាធារណៈ និងគម្លាតសង្គមជាដើម” ។

លោកបានបន្តថា “រាល់វីរុសកូវីដបំប្លែងខ្លួនទាំងអស់ ដែលបានលេចចេញរហូតមកដល់ពេលនេះ ត្រូវបានឆ្លើយតបយ៉ាងឆាប់រហ័ស ជាមួយនឹងវ៉ាក់សាំងដែលយើងបានអនុម័ត” ។

ទន្ទឹមនោះ ករណីឆ្លង និងស្លាប់ កំពុងថយចុះនៅក្នុងតំបន់អឺរ៉ុប ក្រោមការគ្រប់គ្រងរបស់ WHO ដែលមានរដ្ឋចំនួន ៥៣ រាប់ចាប់ពីតំបន់អាក់ទិក រហូតដល់តំបន់ចុងបូព៌ា នៃប្រទេសរុស្ស៊ី ។

លោក Kluge បាននិយាយថា ករណីឆ្លងកូវីដប្រចាំសប្តាហ៍នៅអឺរ៉ុប បានថយចុះពីតំបន់ខ្ពង់រាបប្រមាណ ១.៧ លានករណី ក្នុងអំឡុងពាក់កណ្តាលខែមេសា ដល់ជិត ៦៨៥,០០០ ករណីថ្មីកាលពីសប្តាហ៍មុន ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ មេ WHO ចែករំលែកវិធី ៥ យ៉ាងដល់ប្រជាជនទូទាំងពិភពលោកអនុវត្ត អំឡុងជំងឺកូវីដ ១៩

ចុចអាន ៖ តាមពិត WHO ប្រកាសអាសន្នពីជំងឺកូវីដ ១៩ តាំងពីដើមឆ្នាំ ២០២០ មកម្ល៉េះ