វីដេអូខ្លោចចិត្ត! គ្មានរថយន្តសង្គ្រោះបន្ទាន់មកដឹក បុរសឥណ្ឌា ដាក់ឪពុកកើតកូវីដលើរទេះ រុញទៅពេទ្យ

បុរសជនជាតិឥណ្ឌាម្នាក់ ត្រូវបង្ខំចិត្តរុញឪពុករបស់ខ្លួនតាមរទេះឈើ ឆ្ពោះទៅមន្ទីរពេទ្យ ដោយសារតែមិនមានរថយន្តសង្គ្រោះបន្ទាន់ដឹក ស្របពេលប្រទេសនេះ កំពុងប្រយុទ្ធជាមួយជំងឺកូវីដ-១៩រលកទី៣។ 

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វីដេអូខ្លោចចិត្តនេះ ត្រូវបានគេថតកាលពីថ្ងៃពុធនៅស្រុក Siwan នៃរដ្ឋ Bihar ភាគខាងកើតប្រទេសឥណ្ឌា។ វីដេអូនេះបង្ហាញពីបុរសរូបនោះ រុញឪពុកដែលកើតជំងឺកូវីដ នៅលើរទេះ។

បុរសជាឪពុក មិនត្រូវបានគេមើលឃើញកម្រើកទេ នៅពេលកូនគាត់រុញរទេះ កាត់តាមអ្នកឈរមើលពេញផ្លូវ។

គាត់អះអាងថា គាត់កំពុងរង់ចាំរថយន្តសង្គ្រោះបន្ទាន់មកដល់ ប៉ុន្តែគាត់ក៏បានសម្រេចចិត្តនាំឪពុកទៅពេទ្យដោយខ្លួនឯង ព្រោះគាត់ខ្លាចថា ឪពុកនឹងស្លាប់ប្រសិនបើគាត់មិនធ្វើដូច្នេះ។

កាលពីថ្ងៃព្រហស្បតិ៍ ប្រទេសឥណ្ឌា បានកត់ត្រាអ្នកស្លាប់ដោយសារជំងឺកូវីដ-១៩ចំនួន៤,២០៩នាក់ រួមជាមួយការឆ្លងថ្មី ២៥៩,៥៥១ករណី។

ទោះបីជាយ៉ាងណាក៏ដោយ តួលេខអ្នកស្លាប់និងឆ្លងពិតប្រាកដ ត្រូវបានគេអះអាងថា ខ្ពស់ជាងចំនួនកត់ត្រានេះឆ្ងាយណាស់៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ សោកស្តាយ! ត្រឹមមួយថ្ងៃ វេជ្ជបណ្ឌិតឥណ្ឌាដល់ទៅ ៥០នាក់ ត្រូវស្លាប់ដោយសារកូវីដ