កូវីដ-១៩

ប្រជាពលរដ្ឋស៊ូឈរតម្រង់ជួរចាំចាក់ថ្នាំព្រោះខ្លាច ឆ្លងជំងឺកូវីដ១៩

បានផុស

៣ years មុន

នៅ

ថ្ងៃសៅរ៍ ២២ ឧសភា ២០២១

ដោយ

ភ្នំពេញ ៖ ឃើញបងប្អូនប្រជាពលរដ្ឋពិសេសប្អូនៗកម្មករ កម្មការិនីរាប់ពាន់នាក់នាំគ្នាឈរតម្រង់ជួររង់ចាំចូលចាក់ថ្នាំវ៉ាក់សាំង ព្រោះពួកគាត់ភ័យខ្លាចឆ្លងជំងឺកូវីដ១៩ខ្លាំងណាស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្តីរាយការណ៍ពីលោកស្រី ជា ដាណា សមាជិកក្រុមប្រឹក្សាសង្កាត់ស្ទឹងមានជ័យទី១បានប្រាប់កម្ពុជាថ្មីនារសៀលថ្ងៃទី២២ ខែឧសភានេះថា ចាប់តាំងពីក្រុមគ្រូពេទ្យកងទ័ពមកទទួលភារកិច្ចចាក់ថ្នាំវ៉ាក់សាំងជូនដល់បងប្អូនប្រជាពលរដ្ឋរស់នៅតំបន់ក្រហមមកគឺមានបងប្អូនប្រជាពលរដ្ឋមកចាក់ថ្នាំវ៉ាក់សាំងយ៉ាងគគ្រឹកគគ្រេង សូម្បីតែមេឃធ្លាក់ភ្លៀងក៏បងប្អូនប្រជាពលរដ្ឋសុខចិត្តឈរហាលភ្លៀងក៏មានដែរ។

លោកស្រីបន្តថា ចំពោះការចាក់វ៉ាក់សាំងនេះគឺត្រូវបានបងប្អូនប្រជាពលរដ្ឋលោកមានការកោតសរសើរដល់ក្រុមការងារនិងគ្រូពេទ្យមកពីអង្គភាពកងទ័ព ព្រោះក្រុមគ្រូពេទ្យលោកមានចរិតស្លូតបូតមិនប្រើសំដីគំរោះគំរើយឡើយបើទោះជាឈររង់ចាំសឹងពេញមួយថ្ងៃក៏មិនត្អូញត្អែរដែរធ្វើយ៉ាងណាឲ្យតែបានចាក់ថ្នាំព្រោះអាចការពារអាយុជីវិតដល់ពួកគាត់។

លោកស្រី ជា ដាណា បានបញ្ជាក់ថា ការចាក់វ៉ាក់សាំងដល់ប្រជាពលរដ្ឋក្នុងសង្កាត់ស្ទឹងមានជ័យ១ខណ្ឌមានជ័យរាជធានីភ្នំពេញនេះក្នុងមួយថ្ងៃស្មើនិង១១២០នាក់ ក្នុងនោះក៏មានជនបរទេសមិនក្រោមពី២០នាក់រាល់ថ្ងៃ។ ហើយការចាក់ដូសទី១និងបន្តចាក់បន្តមួយសប្តាហ៍ទៀតខណះដូសទី២កំពុងដំណើរការចាក់រាល់ថ្ងៃនេះ៕

ដោយ ៖ នរា