កូវីដ-១៩

ខេត្តកំពង់ឆ្នាំងរកឃើញកម្មកររោងចក្រ ៨៦នាក់ទៀតឆ្លងជំងឺកូវីដ-១៩

បានផុស

៤ years មុន

នៅ

ថ្ងៃចន្ទ ២៤ ឧសភា ២០២១

ដោយ

នៅរសៀលថ្ងៃទី២៣ ខែឧសភា ឆ្នាំ២០២១នេះ រដ្ឋបាលខេត្តកំពង់ឆ្នាំងបានចេញសេចក្ដីប្រកាសព័ត៌មាន ស្ដីពីការរកឃើញករណីវិជ្ជមានកូវីដ-១៩ ចំនួន៨៦នាក់ថ្មីបន្ថែមទៀត ដែលជាកម្មករ បុគ្គលិកខ្មែរ និងបរទេស បម្រើការងារនៅរោងចក្រ ហឹរ៉ាយហ្សិន អៅដរ (ខេមបូឌា) និងរោងចក្រ តឹកហ្វុក (ខេមបូឌា) ហ្គាមេន ដែលមានទីតាំងនៅក្នុងភូមិផ្សារត្រាច និងភូមិលង្វែក ឃុំលង្វែក ស្រុកកំពង់ត្រឡាច ខេត្តកំពង់ឆ្នាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកនៅក្នុងសេចក្តីប្រកាសព័ត៌មាននេះ រដ្ឋបាលខេត្តបានឲ្យដឹងថា គិតមកដល់ថ្ងៃនេះ ខេត្តកំពង់ឆ្នាំងមានអ្នកមានវិជ្ជមានកូវីដ១៩ សរុបចំនួន១៦១នាក់ ស្រី១២១នាក់ , អ្នកជាសះស្បើយសរុបចំនួន២៩ ស្រី១៤នាក់ , អ្នកស្លាប់សរុបចំនួន២នាក់ ស្រី២នាក់ , និងកំពុងសម្រាកព្យាបាលសរុបចំនួន១៣០នាក់ ស្រី១០១នាក់ ។

រដ្ឋបាលខេត្តក៏បានអំពាវនាវផងដែរ ដល់អ្នកពាក់ព័ន្ធដោយផ្ទាល់និងប្រយោលទាំងអស់ សូមមេត្តាប្រញាប់មកធ្វើសំណាកដើម្បីធ្វើតេស្ត និងត្រូវដាក់ខ្លួនដាច់ដោយឡែកធ្វើចត្តាឡីស័កចំនួន១៤ថ្ងៃ ដោយត្រូវអនុវត្តវិធានការ ៣កុំនិង៣ការពារ ហើយបើមានសុខភាពមិនស្រួល ត្រូវមកមន្ទីរពេទ្យ ឬមណ្ឌលសុខភាពដែលជិតបំផុតដើម្បីឱ្យក្រុមគ្រូពេទ្យពិនិត្យព្យាបាលជំងឺ និងយកសំណាក ៕

អត្ថបទ ៖ ឈៀងថារិទ្ធ