កូវីដ-១៩
ថៃ សិង្ហបុរី វៀតណាម ម៉ាឡេស៊ី កំពុងប្រឈមកង្វះវ៉ាក់សាំងកូវីដ
ប្រទេសអាស៊ីអាគ្នេយ៍មួយចំនួនរាប់បញ្ចូលទាំងប្រទេសដែលធ្លាប់គ្រប់គ្រប់កូវីដ-១៩បានល្អកាលពីឆ្នាំមុនបានកំពុងតស៊ូនឹងការផ្ទុះកូវីដ-១៩ឡើងវិញ ដោយសារវីរុសបំប្លែងខ្លួនថ្មី និងកង្វះវ៉ាក់សាំងដែលធ្វើឲ្យប្រជាជនជួបបញ្ហា។
ចំនួនករណីឆ្លងថ្មីនៅប្រទេសថៃបានកើនឡើងជាងបួនដងចាប់តាំងពីថ្ងៃទី១ខែមេសាមក ដោយការកើនឡើងជិត១៣០ ០០០នាក់ បន្ទាប់ពីការឆ្លងរាលដាលចូលទៅក្នុងពន្ធនាគារ តំបន់ដែលមានប្រជាជនច្រើននៅក្នុងទីក្រុង និងនៅការដ្ឋានសំណង់។
ជាមួយគ្នានេះ ប្រទេសម៉ាឡេស៊ី នៅសាលសង្គ្រោះបន្ទាន់( ICUs) នៅមន្ទីរពេទ្យកំពុងពោរពេញដោយអ្នកជំងឺកូវីដ-១៩ដែលធ្ងន់ធ្ងរ ខណៈមន្ទីរពេទ្យមួយបានយកកុងតឺន័រដឹកទំនិញធ្វើជាកន្លែងដាក់សព ពីព្រោះកន្លែងបញ្ចុះសពលើសលប់។ កាលពីថ្ងៃអាទិត្យ ប្រទេសនេះមានករណីឆ្លងថ្មីជិត៧ពាន់នាក់។
ចំណែកនៅប្រទេស វៀតណាម និងសិង្ហបុរី ដែលធ្លាប់ទទួលបានការសរសើរចំពោះការទប់ស្កាត់ជោគជ័យកន្លងមក ឥឡូវនេះកំពុងប្រយុទ្ធប្រឆាំងនឹងចង្កោមឆ្លងថ្មី ហើយបានចាត់វិធានការដាក់បំរាម។
ករណីឆ្លងមានកម្រិតទាបជាងតំបន់ផ្សេងនៅក្នុងពិភពលោក ប៉ុន្តែអ្នកជំនាញសុខភាពនិយាយថា ការផ្ទុះបានកំពុងក្លាយជាសញ្ញាព្រមានដែលវ៉ាក់សាំងត្រូវតែចែកចាយឲ្យបានច្រើន។
សាស្ត្រាចារ្យមហាវិទ្យាល័យសុខភាពសាធារណៈ Saw Swee Hock នៅសាកលវិទ្យាជាតិសិង្ហបុរី លោក Teo Yik Ying មានប្រសាសន៍ថា ៖«វាអាចទៅរួចទាំងស្រុងដោយសារវិសមភាពដែលនឹងចាប់ផ្តើមឃើញក្នុងការទទួលបានវ៉ាក់សាំងដែលស្ថិតនៅចំណុចកណ្តាលនៃវីរុសផ្លាស់ប្តូរ»។
លោកមិនជឿថា ការផ្ទុះថ្មីៗនៅសិង្ហបុរីគឺបណ្តាលមកពីកង្វះការអនុវត្តវិធានការសុខភាពទេ ប៉ុន្តែនិយាយថា វាផ្ទុយទៅវិញគឺជំរុញបែបធម្មជាតិកាន់តែខ្លាំងក្លានៃវីរុសបំប្លែងខ្លួនថ្មី B.1.617 ដែលរកឃើញដំបូងនៅប្រទេសឥណ្ឌា។
លោកថា ៖«ការការពាររបស់យើងដែលបានដាក់ចេញគឺអនុវត្តបានល្អកាលពីមួយឆ្នាំមុន ឥឡូវនេះវីរុសហាក់ដូចជាកំពុងទម្លុះទម្លាយបាន»។
លោកមានប្រសាសន៍ថា ៖«វាជាល្បឿនគួរឲ្យខ្លាច។ យើងឃើញពីរបៀបដែលយើងមានគឺរាលដាល៤ជំនាន់ ដូចជាករណីឆ្លងទៅកាន់សាលាបឋមសិក្សា ហើយបន្តទៅអនុវិទ្យាល័យ ព្រមទាំងបន្តបន្ទាប់ ក្នុងរយៈពេលតែ១០ថ្ងៃ។ ប្រៀបធៀបនឹងអ្វីដែលយើងប្រឈមកាលពីឆ្នាំមុន គឺស្ថានភាពខុសគ្នាឆ្ងាយណាស់»។
ខណៈសិង្ហបុរីបានចាក់វ៉ាក់សាំងពេញលេញមួយភាគបួននៃប្រជាជនរបស់ខ្លួនត្រូវបានគេមើលឃើញថា យឹតជាងកន្លែងផ្សេងទៀតនៅក្នុងតំបន់។ ប្រទេសថៃបានចាក់វ៉ាក់សាំងពេញលេញតិចជា១.៥%នៃប្រជាជន ខណៈម៉ាឡេស៊ីចាក់បាន២.៨៨%នៃប្រជាជនរបស់ខ្លួនសម្រាប់វ៉ាក់សាំងទាំងពីរដូស។
វៀតណាមដែលទើបដាក់បំរាមនៅក្នុងស្រុកមួយចំនួនដើម្បីទប់ស្កាត់ការរាលដាលជាចង្កោមទើបតែចាក់វ៉ាក់សាំងបានតិចជាង១%នៃប្រជាជនប៉ុណ្ណោះ។ ការផ្ទុះថ្មីៗនេះបានឈានដល់ករណីឆ្លងថ្មីជាង២ពាន់ចាប់តាំងពីចុងខែមេសាមក ដែលស្ទើរ៤០%នៃការឆ្លងចំនួន៥១១៩នាក់ត្រូវបានរកឃើញក្នុងប្រទេសចាប់តាំងពីវីរុសចាប់ផ្តើមឡើង។
ម៉ាឡេស៊ីបានដាក់បំរាមពេញលេញនៅក្នុងទីក្រុងធំលំដាប់ទី៤របស់ប្រទេសគឺ Ipoh ខណៈមានការរឹតត្បិតផ្សេងៗទៀត ដូចជាដំណើរការអាជីវកម្មរយៈពេលខ្លី ត្រូវបានប្រកាសនៅកន្លែងផ្សេងទៀត។
អ្នកសម្របសម្រួលសុខភាពអាស៊ីសម្រាប់សហព័ន្ធកាកបាទក្រហមអន្តរជាតិ លោក Abhishek Rimal បានឲ្យដឹងថា ៖«ប្រសិនបើរូបភាពដដែលនៅបន្តមួយ ឬពីរសប្តាហ៍ទៀតវានឹងកាន់តែលំបាកសម្រាប់ប្រព័ន្ធសុខាភិបាលនៅក្នុងប្រទេសដើម្បីដោះស្រាយ»។
ក្រុមអ្នកជំនាញសុខភាពនៅម៉ាឡេស៊ីបារម្ភថា សកម្មភាពសង្គមសម្រាប់ពិធីបុណ្យ Eid al-Fitr អាចនាំឲ្យកើនឡើងនៃករណីឆ្លងថ្មីនៅសប្តាហ៍ខាងមុខ។ ការរឹតត្បិតត្រូវបានចេញ ប៉ុន្តែទើបតែដាក់ចេញប៉ុន្មានថ្ងៃមុនថ្ងៃឈប់សម្រាកមកដល់។
លោក Rima បានលើកឡើងថា រដ្ឋាភិបាលបានប្រឈមធ្វើឲ្យមានតុល្យភាពដ៏លំបាក។ «នៅពេលពួកគេចាប់ផ្តើមចេញបំរាម មានមនុស្សច្រើនណាស់ ដូចជាកម្មកររកប្រាក់ចំណូលប្រចាំថ្ងៃ។ វានឹងប៉ះពាល់ដល់ចំណូលរបស់ពូកគេ ហើយដោះស្រាយគ្រួសារយ៉ាងណា? នេះជាបញ្ហាប្រឈមផ្នែកមនុស្សធម៌ដ៏ធំបំផុត»។
ថៃដែលបានចេញវិធានការតឹងរឹងកាលពីឆ្នាំមុន និងស្ទើរតែលុបបំបាត់វីរុសអស់ហើយបានបញ្ឈប់បំរាមទាំងស្រុង។ ផ្ទុយទៅវិញ ប្រទេសនេះអនុញ្ញាតឲ្យហាង និងផ្សារដំណើរការបើកធម្មតា អនុញ្ញាតភោជនីយដ្ឋានបើកសមត្ថភាពត្រឹម២៥%។ សាលារៀល ឧទ្យាន កន្លែងហាត់ប្រាណ និងអាជីវកម្មដូចជា ហាងម៉ាស្សា និងបារជាដើមត្រូវបានបិទ។
ករណីឆ្លងថ្មីកើនឡើងយ៉ាងឆាប់រហ័សនៅពន្ធនាគារដែលមានមនុស្សច្រើននៅថៃឈានដល់រាប់ពាន់នាក់ និងជំរុញឲ្យរដ្ឋាភិបាលពិចារណាដោះលែងអ្នកទោសខ្លះ។ នៅការដ្ឋានសំណង់ ដែលជាកន្លែងមានកម្មករអន្តោប្រវេសន៍ច្រើនរស់នៅក្នុងបន្ទប់រួមគ្នា ជាបញ្ហាប្រឈមកើនឡើងលឿន។ កាលពីថ្ងៃសុក្រ សប្តាហ៍មុន ថៃបានរកឃើញករណីបំប្លែងខ្លួនឥណ្ឌា B.1.617.2 ក្នុងស្រុកទី១ដែលឆ្លងកើនដល់១៥នាក់ ក្នុងនោះកម្មករសំណង់១២នាក់នៅភាគខាងជើងក្រុងបាំងកក។
អ្នកសម្របសម្រួលក្រុមការងារអន្តោប្រវេសន៍លោក Adisorn Kerdmongkol បាននិយាយថា ៖«រដ្ឋាភិបាលត្រូវការធានាកម្មករ ប្រសិនបើពួកគេឆ្លងកូវីដ-១៩ ពួកគេត្រូវទទួលបានការព្យាបាលដោយស្មើភាព៕
ប្រែសម្រួល៖ វីរបុត្រ
ប្រភព៖ theguardian
ប៉ាឡេស្ទីនបដិសេធទទួលយកកុងតឺន័រដឹកសាកសព៨៨នាក់ពីអ៊ីស្រាអែលទៅហ្គាហ្សា
កម្ពុជា ADB និង CDRI ចាប់ផ្តើមបើកកិច្ចពិភ្សាក្នុងការសិក្សាស្រាវជ្រាវលើគម្រោងអភិវឌ្ឍន៍នានាដើម្បីជំរុញកំណើនសេដ្ឋកិច្ចកម្ពុជា
ទិសដៅនាពេលអនាគត ១១ ចំណុច ក្រសួងត្រៀមធ្វើកំណែទម្រង់វិស័យអប់រំ
សម្ដេចធិបតី៖ បញ្ចប់គម្រោង CLV មិនតម្រូវឱ្យកម្ពុជាបង់ថវិកាទៅភាគីឡាវ និងវៀតណាមទេ
ការចុះបញ្ជីអត្រានុកូលដ្ឋាន ប្ដូរពីចុះបញ្ជីដោយដៃទៅជាប្រើប្រាស់ប្រព័ន្ធបច្ចេកវិទ្យា
លោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
ស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
អាជ្ញាធរខេត្តក្រចេះ ត្រៀមទីទួលសុវត្ថិភាព១១៧កន្លែង សម្រាប់ជម្លៀសពលរដ្ឋពីគ្រោះទឹកជំនន់
ចាប់ពីថ្ងៃនេះដល់ថ្ងៃ២៨កញ្ញា កម្ពុជាមានភ្លៀងតិចបំផុត ខណៈទឹកទន្លេសាប និងទន្លេបាសាក់កំពុងហក់ឡើង
លោក ស៊ុនចាន់ថុល ចុះទៅក្រុមហ៊ុន SpaceX សេដ្ឋី Elon Musk ស្វែងយល់បច្ចេកវិទ្យាផ្កាយរណបអ៊ីនធឺណិត
-
ព័ត៌មានជាតិ១ សប្តាហ៍ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៧ ថ្ងៃ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ២ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានជាតិ៦ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ជីវិតកម្សាន្ដ៣ ម៉ោង agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានអន្ដរជាតិ៣ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ជីវិតកម្សាន្ដ១ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ១ ថ្ងៃ agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព