កូវីដ​ឆ្លង​ចូល​ដល់​ពន្ធនាគារ​ខេត្តកណ្តាល មានទណ្ឌិត​ ១០៣ នាក់​តេស្ត​មាន​វិជ្ជមាន​

អាជ្ញាធរខេត្តកណ្តាល​ រាយការណ៍​ករណីរកឃើញ​ទណ្ឌិត​ចំនួន ១០៣ នាក់ និង​មន្រ្តី​ពន្ធនាគារ ០៣ នាក់​បាន​ឆ្លងកូវីដ ១៩។

អាជ្ញាធរពុំបាន​បញ្ជាក់ពី​ប្រភព​ការ​ឆ្លង​​កូវីដចូល​​ក្នុងពន្ធនាគារ​ខេត្តកណ្តាល។ មន្ត្រីពន្ធនាគារបានចាត់​​វិធាន​ការសុខាភិបាល ការពារទណ្ឌិតផ្សេងទៀតមិនឱ្យមានការឆ្លងបន្ត។ ជាមួយ​គ្នា​នេះ ទណ្ឌិត​ដែលរកឃើញកូវីដ ១៩ ក៏​​ត្រូវ​បាន​មន្រ្តី​សុខាភិបាល និង​អាជ្ញាធរ​រៀបចំ​កន្លែង​ព្យាបាល​​នៅ​ក្នុង​ពន្ធនាគារ​តែម្តង។

គួរ​បញ្ជាក់​ថា នៅយប់ថ្ងៃទី២៥ ខែឧសភា ឆ្នាំ២០២១នេះ ខេត្តកណ្តាល​បានរកឃើញអ្នកវិជ្ជមានជំងឺកូវីដ១៩ ចំនួន ២៤៩នាក់ ក្នុងនោះមានទណ្ឌិត​ចំនួន ១០៣នាក់​ និង​មន្រ្តី​ពន្ធនាគារចំនួន ០៣ នាក់៕

មានព័ត៌មាន​អាប់ដេតបន្ថែម កម្ពុជា​ថ្មី​នឹងផ្សាយ​ជូន​បន្ត​បន្ទាប់។