កូវីដ-១៩
យកសំណាកកម្មកររោងចក្រ៣៤នាក់ រកឃើញវិជ្ជមានជំងឺកូវីដ‑១៩ ចំនួន២០នាក់
ភ្នំពេញ៖ កម្មកររោងចក្រ យូលី ៣៤នាក់ កំឡុងពេលធ្វើចត្តាឡីស័ក កើតមានអាការៈសង្ស័យ លុះយកសំណាកធ្វើតេស្ត បានរកឃើញកម្មករ២០នាក់មានវិជ្ជមានកូវីដ-១៩។

លោកវេជ្ជបណ្ឌិត កែរ រដ្ឋា ប្រធានមន្ទីរសុខាភិបាលខេត្តស្វាយរៀងបានឱ្យដឹងនៅរសៀលថ្ងៃទី២៣ ខែឧសភានេះថា ក្រមការងារបានយកសំណាកពីកម្មកររោងចក្ររោងចក្រ យូលី ស្ថិតនៅក្នុងតំបន់សេដ្ឋកិច្ចពិសេសសាន់ដុង សាន់សែល ក្រុងបាវិត ខេត្តស្វាយរៀង ចំនួន៣៤នាក់ ជាលទ្ធផលមានកម្មករចំនួន២០នាក់ ក្នុងនោះស្រី១៦នាក់មានវិជ្ជមានកូវីដ‑១៩ ដែលធ្វើឱ្យចំនួនកម្មកររោងចក្រនេះមានឆ្លងរហូតដល់ជាង១០០នាក់។

លោកប្រធានមន្ទីរ បានបន្តថា ការឆ្លងជំងឺកូវីដ‑១៩នៅរោងចក្រ យូលី ត្រូវបានរកឃើញតាំងពីថ្ងៃទី២២ឧសភា ដែលការចម្លងគឺផ្តើមចេញពីកម្មករ១នាក់បានឆ្លងពីប្តីរបស់ខ្លួនដែលជាអ្នកដឹកបន្លែលក់ពីខេត្តស្វាយរៀងទៅលក់នៅផ្សារដើមគររាជធានីភ្នំពេញ។
លោក កែរ រដ្ឋា បានបន្តទៀតថា៖ “ម្សិលមិញមានកម្មកររោង យូលី កំពុងធ្វើចត្តាឡីស័កចំនួន៣៤នាក់មានអាការៈក្តៅខ្លួន ក្អក។ ដល់អ៊ីចឹងទៅបានក្រុមការងារបានទៅយកសំណាកពីពួកគាត់ធ្វើតេស្តមួយសារទៀត ហើយជាលទ្ធផលវិជ្ជមានកូវីដ‑១៩ ចំនួន២០នាក់”។

លោក បណ្ឌិត បន្ថែមទៀតថាការរកឃើញ២០នាក់បន្ថែមទៀតនេះបានធ្វើឱ្យខេត្តស្វាយរៀងមានចំនួនអ្នកឆ្លងសរុបចំនួន៥៨៣នាក់ ស្រី៣១១នាក់ ដោយមានអ្នកជាសះស្បើយចំនួន៣៦៩នាក់ ស្រី១៤៩នាក់ អ្នកជំងឺកំពុងសម្រាកព្យាបាលនៅមន្ទីរពេទ្យចំនួន២០៨នាក់ ស្រី១៦០នាក់ និងស្លាប់ចំនួន៥នាក់ ស្រី២នាក់៕
អត្ថបទ៖ សំអឿន

-
ព័ត៌មានជាតិ២ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៦ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ២ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ១ ថ្ងៃ ago
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
សន្តិសុខសង្គម១ សប្តាហ៍ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៦ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
សន្តិសុខសង្គម៣ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ចរាចរណ៍២ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល