កូវីដ-១៩

ស្ត្រីវ័យ៧០ឆ្នាំម្នាក់ បានស្លាប់ដោយសារកូវីដ១៩ ដែលជាករណីទី១សម្រាប់ខេត្តបាត់ដំបង

បានផុស

៣ years មុន

នៅ

ថ្ងៃពុធ ២៦ ឧសភា ២០២១

ដោយ

បាត់ដំបង ៖ មន្ត្រីសុខាភិបាលខេត្តបាត់ដំបងបានឲ្យដឹងថា ស្ត្រីវ័យ៧០ឆ្នាំម្នាក់ ដែលមានវិជ្ជមានកូវីដ១៩ បានទទួលមរណភាពហើយ នាម៉ោង១២និង១០នាទីថ្ងៃទី ២៦ខែឧសភា ឆ្នាំ ២០២១ បន្ទាប់ពីចូល សម្រាកព្យាបាលនៅមន្ទីរពេទ្យបង្អែកខេត្ត កាលពីថ្ងៃទី២៣ខែឧសភា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឱសថវឿងប៊ុនរ៉េត ប្រធានមន្ទីរសុខាភិបាលនៃរដ្ឋបាលខេត្តបាត់ដំបង បានប្រកាសព័ត៌មាន តាមផេកផ្លូវការរបស់មន្ទីរសុខាភិបាលថា ក្រោយពីស្លាប់ភ្លាមៗ ក្រុមគ្រូពេទ្យបានបញ្ជូនសព មកបូជា ភ្លាមៗនារសៀលថ្ងៃដដែល នៅទីតាំងដែលរដ្ឋបាលខេត្តរៀបចំទុកសម្រាប់បូជាសពអ្នកជំងឺកូវីដ១៩ នៅ វត្តភ្នំគីរីសារវ័ន្ទហៅភ្នំស្លឹក ស្ថិតនៅឃុំស្តៅ ស្រុករតនមណ្ឌល ខេត្តបាត់ដំបង។

លោក បញ្ជាក់ថា អ្នកជំងឺកូវីដ១៩ វ័យ៧០ឆ្នាំ រស់នៅភូមិសំរោងស្នោរ ឃុំសំរោងក្នុងស្រុកឯកភ្នំ ខេត្តបាត់ដំបង ដែលស្លាប់បាត់បង់ជីវិតនេះ មានអ្នកពាក់ព័ន្ធចំនួន៤២នាក់ ដែលក្នុងនោះសមាជិកគ្រួសារប៉ះពាល់ផ្ទាល់ចំនួន១៣នាក់ បានធ្វើសំណាករកឃើញ វិជ្ជមានកូវីដ១៩ ចំនួន៥នាក់ និង អ្នកប៉ះពាល់ប្រយោល ចំនួន២៩នាក់។

លោកឱសថបណ្ឌិត វឿងប៊ុនរ៉េតបញ្ជាក់ថា នេះជាករណីអ្នកជំងឺកូវីដ១៩ ស្លាប់លើកទី១ហើយសម្រាប់ ប្រជាពលរដ្ឋ រស់នៅខេត្តបាត់ដំបងផ្ទាល់។ លោកបានសំណូមពរជាថ្មីឲ្យពលរដ្ឋ បង្កើនការប្រុង ប្រយ័ត្នខ្ពស់ និងបន្តអនុវត្តន៍វិធានការបីការពារបីកុំ ឲ្យបានខ្ជាប់ខ្ជួន ដើម្បីជាសផុតពីជំងឺកូវីដ១៩៕

ដោយ ៖ សោ និយមរ័ត្ន