អ្នកជំងឺកូវីដញៀនថ្នាំ ដែលវាយសម្លាប់មន្ត្រីយោធា បានស្លាប់ដោយសារគាំងបេះដូង

បុរស​ម្នាក់​ដែល​ជា​អ្នក​ជំងឺ​កូវីដ​១៩ ដែល​បាន​វាយ​សម្លាប់​មន្ត្រីយោធា​ម្នាក់ បាន​ស្លាប់​ដោយសារគាំងបេះដូង។ នេះបើតា​ម​ប្រភពពីមន្ត្រីសុខាភិបាលនៃមន្ទីរពេទ្យបង្អែកពញា ក្រែក ខេត្តត្បូងឃ្មុំ។​

ប្រភពបានបញ្ជាក់ថាបុរសញៀនថ្នាំកើតកូវីដ១៩ ដែលជាឃាតករបានវាយសម្លាប់អ្នកយាមជាយោ ធាម្នាក់កាលពីថ្មីៗក្នុងគោលបំណងដើម្បីរត់ចេញពីមន្ទីរពេទ្យបង្អែកស្រុកពញាក្រែកបានស្លាប់បាត់បង់ជីវិតហើយនៅព្រឹកថ្ងៃទី២៨ ខែឧសភានេះដោយ សារតែគាំងបេះដូងដែល​បណ្តាលមក​ពីផលវិបាកនៃការប្រើប្រាស់សារធាតុញៀនធ្ងន់ធ្ងរ។

សូមរម្លឹកថាកាលពីល្ងាចថ្ងៃទី២៥ខែឧសភាឆ្នាំ២០ ២១មានរឿងរ៉ាវដ៏រន្ធត់មួយកើតឡើងក្នុងករណីបុរ សញៀនថ្នាំជាអ្នកជំងឺកូវីដ១៩ម្នាក់បានប្រើដំបង និងចបកាប់វាយចំសៀតផ្កាអ្នកយាមជាមន្ត្រីយោ ធាផ្នែកសឹករងស្រុកពញាក្រែកម្នាក់ឈ្មោះ មាន វ៉ៃ អាយុ២៩ឆ្នាំរស់នៅភូមិហួចកើត ឃុំក្រែក ស្រុកព ញាក្រែកបណ្តាលឲ្យស្លាប់យ៉ាងអាណោចអាធម៌ ដើម្បីរត់ចេញពីមន្ទីរពេទ្យបង្អែកស្រុកពញាក្រែក៕

អត្ថបទ៖ ចាន់រ៉ា