អភិបាលរងក្រុងកំពង់ឆ្នាំងមួយរូប វិជ្ជមានកូវីដ១៩ ដោយសារ ប៉ះពាល់​ជាមួយបងប្អូនថ្លៃនៅភ្នំពេញ

លោក ហ៊ីង ភ័ព្វមិនា អភិបាលរងក្រុងកំពង់ឆ្នាំង មានទីលំនៅក្នុងភូមិម៉ុងបារាំង សង្កាត់ប្អេរ ក្រុងកំពង់ឆ្នាំង ខេត្តកំពង់ឆ្នាំង ត្រូវបានរកឃើញវិជ្ជមានកូវីដ១៩ ដោយសារប៉ះពាល់ជាមួយបងប្អូនថ្លៃនៅភ្នំពេញ ។

លោក ហ៊ីង ភ័ព្វមិនា ត្រូវបានរដ្ឋបាលខេត្តកំពង់ឆ្នាំង ប្រកាស ក្នុងចំណោមអ្នកវិជ្ជមានកូវីដ១៩ ក្នុង”ព្រឹត្តិការណ៍សហគមន៏ ២០កុម្ភៈ” ចំនួន៧នាក់ដែលបានរកឃើញកាលពីថ្ងៃទី២៨ ខែឧសភា ឆ្នាំ២០២១។

លោក ហ៊ីង ភ័ព្វមិនា និងអ្នកជំងឺ៦នាក់ផ្សេងទៀត ត្រូវបានក្រុមគ្រូពេទ្យដាក់ឱ្យសម្រាកព្យាបាលនៅមណ្ឌលព្យាបាលវិទ្យាល័យ ហ៊ុន សែន កំពង់ត្រឡាច ។

គួរបញ្ជាក់ថា ក្នុង”ព្រឹត្តិការណ៍សហគមន៍ ២០កុម្ភៈ” ខេត្តកំពង់ឆ្នាំង បាន​រក​ឃើញ​អ្នកវិជ្ជមានកូវីដ-១៩ សរុបចំនួន ២២៧នាក់។ ក្នុងនោះមាន អ្នក​ជា​សះ​ស្បើយសរុប ៤៥នាក់ កំពុងសម្រាកព្យាបាលសរុបចំនួន ១៧៩នាក់ និងអ្នកស្លាប់​ចំនួន ៣នាក់៕

អត្ថបទ៖កងរី​