កូវីដ-១៩

ខេត្តឧត្តរមានជ័យ បង្ហាញអត្តសញ្ញាណអ្នកឆ្លងជំងឺកូវីដ ចំនួន ១៣ករណីទៀត ជាករណីនាំចូលពីប្រទេសថៃ

បានផុស

៤ years មុន

នៅ

ថ្ងៃចន្ទ ៧ មិថុនា ២០២១

ដោយ

ឧត្តរមានជ័យ ៖ រដ្ឋបាលខេត្តឧត្តរមានជ័យ នៅយប់ថ្ងៃទី០៧ ខែមិថុនា ឆ្នាំ២០២១នេះ បានប្រកាសរកឃើញមនុស្សចំនួន១៣ករណីថ្មីបន្ថែមទៀត ឆ្លងជំងឺកូវីដ១៩ ដែលធ្វើដំណើរមកពីប្រទេសថៃ ចូលមកប្រទេសកម្ពុជា ចូលតាមច្រកអន្តរជាតិអូរស្មាច់ សង្កាត់អូរស្មាច់ ក្រុងសំរោង ខេត្តឧត្តរមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្តីប្រកាសព័ត៌មាន របស់រដ្ឋបាលខេត្តឧត្តរមានជ័យ បានបញ្ជាក់ថា ខេត្តឧត្តរមានជ័យ រកឃើញអ្នកវិជ្ជមានជំងឺកូវីដ១៩ ចំនួន៩០ករណី ក្នុងនោះករណីនាំចូលពីក្រៅប្រទេសចំនួន៨៨ករណី និងករណីឆ្លងក្នុងសហគមន៍ ២០កុម្ភៈ ចំនួន ២ករណី និងបានព្យាបាលជាសះស្បើយចំនួន ២៤ករណី នឹងកំពុងសម្រាកព្យាបាលនៅមន្ទីរពេទ្យបង្អែកខេត្តឧត្តរមានជ័យ ចំនួន៦៦ករណីទៀត។

រដ្ឋបាលខេត្តបានប្រកាសព័ត៌មាន នៅក្នុងថ្ងៃនេះដែលក៏មានស្ត្រីពលករខ្មែរម្នាក់ស្លាប់ ឈ្មោះ ហឹម សុខឡា អាយុ២៨ឆ្នាំ មានទីលំនៅភូមិតាំជ្រៃ ឃុំកណ្តែក ស្រុកបាធាយ ខេត្តកំពង់ចាម បានវិលត្រឡប់មកពីប្រទេសថៃ កាលពីថ្ងៃទី០៣ ខែមិថុនា ឆ្នាំ២០២១ តាមច្រកទ្វារអន្តរជាតិអូរស្មាច់ ខេត្តឧត្តរមានជ័យនិងត្រូវបានបញ្ជូនទៅសម្រាកនៅមន្ទីរពេទ្យបង្អែកខេត្ត ដោយពិនិត្យឃើញថា មានអាការៈក្តៅខ្លួន កន្ទួលក្រហមពេញខ្លួន ជាំលើស្បែក អស់កម្លាំង ក្អកនិងហត់។

តាមការបញ្ជាក់របស់បុរសជាប្តីបានឲ្យដឹងថា ហើយស្ត្រីពលករខាងលើធ្លាប់មានប្រតិកម្មថ្នាំ អាឡែកហ្សីនិងមានជំងឺមហារីកគ្រាប់ឈាម(ThaIassesmia)ធ្លាប់បានព្យាបាលនៅប្រទេសថៃ។ នៅវេលាម៉ោង២១និង០០នាទីយប់ អ្នកជំងឺមានសភាពធ្ងន់ធ្ងរខ្លាំង(ហត់ ក្អួតឈាម ហូរឈាមតាមអញ្ចាញធ្មេញ)ទោះបីក្រុមគ្រូពេទ្យបានខិតខំជួយសង្គ្រោះបន្ទាន់តាមលក្ខណបច្ចេកទេសយ៉ាងណាក៏ដោយ នៅតែជួយសង្គ្រោះមិនបាន ហើយអ្នកជំងឺបានស្លាប់នៅវេលាម៉ោង០០និង០៤យប់ឈានចូល ថ្ងៃទី០៧ ខែមិថុនា ឆ្នាំ២០២១នេះតែម្តង៕

ដោយ ៖ ចាន់ ធី