កូវីដ-១៩
ក្រៅពីវ៉ាក់សាំងរបស់ចិន តើកម្ពុជា បានបញ្ជាទិញវ៉ាក់សាំងពីប្រទេសណាទៀត?
មន្ត្រីជាន់ខ្ពស់នៃក្រសួងសុខាភិបាល បានលើកឡើងថា ក្រៅពីវ៉ាក់សាំងរបស់ចិន កម្ពុជា បានបញ្ជាទិញវ៉ាក់សាំងពីអូស្រ្តាលី និងអាមេរិករួចហើយ ដោយកំពុងរង់ចាំការឆ្លើយតប។
ថ្លែងក្នុងការទទួលវ៉ាក់សាំង នៅអាកាសយានដ្ឋានភ្នំពេញ នៅថ្ងៃទី៨ ខែមិថុនានេះ លោកស្រី យក់ សម្បត្តិ រដ្ឋលេខាធិការ ក្រសួងសុខាភិបាល មានប្រសាសន៍ថា ក្រៅពីវ៉ាក់សាំងជំនួយ និងការបញ្ជាទិញវ៉ាក់សាំងរបស់ចិន កម្ពុជាបានបញ្ជាទិញវ៉ាក់សាំងពីខាងខូវ៉ាក់ ប្រទេសអូស្ត្រាលី និងសហរដ្ឋអាមេរិក ដោយពេលនេះកម្ពុជាកំពុងរង់ចាំការឆ្លើយតប។

ជាមួយគ្នានេះ លោកស្រីបានបញ្ជាក់ថា បើមិនមានការប្រែប្រួលទេ ថ្ងៃទី១២ ខែមិថុនានេះ កម្ពុជានឹងទទួលបានវ៉ាក់សាំង១លានដូសដែលបានបញ្ជាទិញពីក្រុមហ៊ុនស៊ីណូហ្វាម ហើយនិងថ្ងៃទី១៩ យើងនឹងទទួលវ៉ាក់សាំង១លានដូសទៀតដែលកម្ពុជាបានបញ្ជាទិញពីក្រុមហ៊ុនស៊ីណូវ៉ាក់។
លោកស្រី យក់ សម្បត្តិ មានប្រសាសន៍ថា កម្ពុជាបានបញ្ជាទិញវ៉ាក់សាំងស៊ីណូវ៉ាក់៤លានដូសទៀតពីក្រុមហ៊ុនស៊ីណូហ្វាម និងវ៉ាក់សាំង៤លានដូសទៀតពីក្រុមហ៊ុនស៊ីណូវ៉ាក់។ ដូចនេះកម្ពុជានឹងទទួល៣លានដូសពីក្រុមហ៊ុននីមួយៗបន្តទៀត។

គួរបញ្ជាក់ថា វ៉ាក់សាំងដែលកម្ពុជាទទួលបាននាពេលកន្លងមករួមមាន សាំងស៊ីណូហ្វាមជំនួយរបស់ចិន ១.៧លានដូស វ៉ាក់សាំងអាស្ត្រាហ្សេនីកា ជំនួយរបស់ខូវ៉ាក់ ៣២៤,០០០ដូស និងវ៉ាក់សាំងស៊ីណូវ៉ាក់ ទិញពីចិន ៤លានដូស។
ចំណែកវ៉ាក់សាំងស៊ីណូវ៉ាក់ ៥០ម៉ឺនដូស ដែលដឹកមកដល់កម្ពុជានៅថ្ងៃនេះ គឺជាវ៉ាក់សាំងជើងទី៦ហើយ ដែលរាជរដ្ឋាភិបាលកម្ពុជាបានបញ្ជាទិញពីក្រុមហ៊ុនស៊ីណូវ៉ាក់ ខណៈជើងទី១ មានចំនួន ១.៥លានដូស ត្រូវបានដឹកមកដល់កម្ពុជា កាលពីថ្ងៃទី២៦ ខែមីនា ជើងទី២ មានចំនួន ៥០ម៉ឺនដូស ដឹកមកដល់កម្ពុជានៅថ្ងៃទី១៧ ខែមេសា និងជើងទី៣ មានចំនួន ៥០ម៉ឺនដូស ដឹកមកដល់កម្ពុជាថ្ងៃទី១១ ខែឧសភា និងជើងទី៤ មានចំនួន ៥០ម៉ឺនដូស ដឹកមកដល់ថ្ងៃទី១៦ ខែឧសភា និងជើងទី៥ មានចំនួន ១លានដូស ដឹកមកដល់កម្ពុជាកាលពីថ្ងៃទី២៣ ខែឧសភា៕
អត្ថបទ៖ ច័ន្ទ វីរៈ

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៦ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ