អភិបាលខេត្តតាកែវ ទទួលសម្ភារ:ពីសប្បុរសជនសម្រាប់ប្រយុទ្ធប្រឆាំងជំងឺកូវីដ-១៩

លោក អ៊ូច ភា អភិបាលនៃគណៈអភិបាលខេត្តតាកែវ នាព្រឹកថ្ងៃទី១០ ខែមិថុនា ឆ្នាំ២០២១នេះ បានទទួលអំណោយជាសម្ភារ: និងថវិកាមួយចំនួនពីលោកឧកញ្ញ៉ា គង់ ចាន់ដេត និងលោកជំទាវ ដើម្បីប្រើប្រាស់ក្នុងយុទ្ធនាការប្រយុទ្ធប្រឆាំងនិងការរីករាលដាលនូវជំងឺកូវីដ១៩ នៅក្នុងមូលដ្ឋានខេត្តតាកែវ ។      

លោក អ៊ូច ភា អភិបាលខេត្តក៏បានថ្លែង អំណរគុណដល់លោកឧកញ្ញ៉ា និងលោកជំទាវ ដែលបាននាំយកនូវសម្ភារ: និងថវិកាមួយចំនួនធំប្រគល់ជូនរដ្ឋបាលខេត្តនាពេលនេះ គឺជាការចូលរួមចំណែកដ៏មានសារសំខាន់ ក្នុងគ្រាដែលរដ្ឋបាលខេត្ត កំពុងប្រយុទ្ធប្រឆាំងនឹងជំងឺរាតត្បាតកូវីដ-១៩ ក្នុងខេត្តតាកែវ ។ 

តាមរយៈការផ្តល់អំណោយទាំងនេះដល់រដ្ឋបាលខេត្ត រដ្ឋបាលខេត្តនឹងបន្តចែកជូនដល់បងប្អូនប្រជាពលរដ្ឋដែលមានការខ្វះខាតនិងរងផលប៉ះពាល់ដោយសារកូវីដ១៩ ។

សូមជម្រាបជូនថា អំណោយរបស់លោកឧកញ្ញ៉ា គង់ ចាន់ដេត និងលោកជំទាវ ផ្តល់ជូនរដ្ឋបាលខេត្តតាកែវ ក្នុងការប្រយុទ្ធប្រឆាំងនិងជំងឺរាតត្បាតកូវីដ-១៩ រួមមាន ឧបករណ៍ត្តេសរហ័ស ចំនួន២០០ គ្រែពេទ្យចំនួន ១០០ ម៉ាស់ ៤កេសធំ ទឹកសុទ្ធវីតាល់ ២០០កេស អាល់កុល ១៤៥លីត្រ និងថវិកា ១០លានរៀល ៕

អត្ថបទ ៖ រ៉ាវុទ្ធ