រក​​ឃើញ​កម្មករនៅរោងចក្រ​ Y&W​​ ជាង​ ២០០​នាក់​ឆ្លង​កូវីដ១៩​​

កម្មកររោងចក្រ​​ Y&W ប្រមាណ ២០០​នាក់ បាន​រក​ឃើញ​ឆ្លងកូវីដ១៩​ ក្នុង​ចំណោម​​កម្មករ​ចំនួន​ ៩៤៧នាក់ ដែល​បាន​​ធ្វើ​តេស្ត​។ នេះបើតាមរបាយការណ៍របស់ មន្រ្តីសុខាភិបាល​​។

រោង​ចក្រ Y&W មាន​ទីតាំង​ស្ថិតនៅ​ អាគារA ស្ថិតនៅផ្លូវ២១៧ ភូមិព្រែកជ្រៃ សង្កាត់ស្ពានថ្ម ខណ្ឌដង្កោ រាជធានីភ្នំពេញ។

ក្រុមពេទ្យស្ម័គ្រចិត្តរបស់សម្តេចតេជោ (TYDA) បានចុះយកសំណាកនៅរោងចក្រខាងលើ បានចំនួន៩៤៧នាក់ ហើយរកឃើញអ្នកវិជ្ជមានកូវីដ១៩ សរុបចំនួន២០១នាក់ ក្នុងនោះស្រី១៤២នាក់។ បច្ចុប្បន្នក្រុមគ្រូពេទ្យបានយកអ្នកវិជ្ជមានកូវីដ១៩ ទៅសម្រាលព្យាបាលចំនួន០២ទីតាំង រួមមាន ទីតាំងមណ្ឌលព្យាបាលកោះពេជ្រ និងទីតាំងមណ្ឌលព្យាបាលទួលពង្រ។ ចំណែកអ្នកអវិជ្ជមាន ត្រូវធ្វើចត្តាឡីស័កបន្តរយៈពេល១៤ថ្ងៃនៅផ្ទះរៀងៗខ្លួន រងចាំការយកសំណាកលើកទី២៕