បាត់ដំបងបន្តរកឃើញអ្នកវិជ្ជមាន​កូវីដ-១៩ ចំនួន ១៧ នាក់ មាន​ពលករ​មកពី​ថៃ ៤ នាក់​

ខេត្តបាត់ដំបង ៖ អាជ្ញាធរខេត្តបាត់ដំបង នៅថ្ងៃទី ១២ ខែមិថុនា ឆ្នាំ២០២១នេះ បន្តរកឃើញអ្នកវិជ្ជមានកូវីដ១៩ ចំនួន ១៧ នាក់ ក្នុងនោះជាពលករទើបវិលត្រឡប់មកពីប្រទេសថៃ ចំនួន ៤ នាក់ និង​ពាក់់់ព័ន្ធព្រឹត្តការណ៍២០កុម្ភ:ចំនួន ១៣ នាក់ និងមានករណីជាសះស្បើយចំនួន ៩ នាក់។ នេះបើតាមសេចក្តីប្រកាសព័ត៌មានដែលបណ្តាញព័ត៌មាន កម្ពុជាថ្មី ទទួលបាននៅយប់់ថ្ងៃទី១២ ខែមិថុនា នេះ។

សូមបញ្ជាក់ថា គិតត្រឹមថ្ងៃទី១២ ខែមិថុនា ឆ្នាំ ២០២១នេះ ខេត្តបាត់ដំបង មានអ្នកឆ្លងជំងឺកូវីដ១៩ សរុបចំនួន ៥២២ នាក់ និងបានជាសះស្បើយចំនួន ១៩២ នាក់ ស្លាប់ចំនួន ២នាក់ និងកំពុងសម្រាកព្យាបាលក្នុងមន្ទីរពេទ្យចំនួន ៣២៨ នាក់៕

អត្ថបទ៖ សោ និយមរ័ត្ន