អាជ្ញាធរខេត្តឧត្ដរមានជ័យ ផ្អាកបណ្ដោះអាសន្ននូវអាជីវកម្ម៥កន្លែង នៅឃុំអន្លង់វែង

ឧត្តរមានជ័យ៖ នៅថ្ងៃទី១៥ ខែមិថុនា ឆ្នាំ២០២១នេះ អាជ្ញាធរខេត្ត បានសម្រេចផ្អាកជាបណ្តោះអាសន្នអាជីវកម្មចំនួន៥កន្លែងដែលជាប់ពាក់ព័ន្ធអ្នកវិជ្ជមានកូវិដ-១៩។ ទីតាំងទាំង៥នោះ មានដូចខាងក្រោម៖

១. បន្ទប់ពិគ្រោះ និងព្យាបាលជំងឺទូទៅមនុស្សចាស់ និងកុមារ វេជ្ជបណ្ឌិត អ៊ុ សួយ

២. បន្ទប់ពិគ្រោះ និងព្យាបាល វេជ្ជបណ្ឌិត សុង អ៊ូឡាយ

៣. មន្ទីរសម្រាកព្យាបាល មាន សុខ

៤. បន្ទប់ពិគ្រោះ និងព្យាបាល វេជ្ជបណ្ឌិត ហេង គឹមយី

៥. ហាងអ្នកលក់កាហ្វេឈ្មោះ នូ ភារ៉ុម ភេទប្រុស អាយុ ៤៨ឆ្នាំ ដែលស្ថិតនៅឃុំអន្លង់វែង ស្រុកអន្លង់វែង ខេត្តឧត្តរមានជ័យ។

ក្នុងអំឡ្ងពេលនៃការផ្អាកជាបណ្តោះអាសន្នទីតាំងអាជីវកម្មខាងលើនេះ រដ្ឋបាលស្រ្កអន្លង់វែងបានហ៊ុមព័ទ្ធទីតាំងចំនួន៥កន្លែងនេះ ផ្អាកការចេញចូលទីតាំងទាំងនេះ និងស្រាវជ្រាវរកអ្នកពាក់ព័ន្ធផ្ទាល់ ឬប្រយោល ដើម្បីធ្វើចត្តាឡីស័កនិងយកវត្ថុសំណាក ណែនាំម្ចាស់ទីតាំង និងអ្នកពាក់ព័ន្ធត្រូវគោរពអនុវត្តមុឺងម៉ាត់នូវតាមវិធានការដ្ឋបាល វិធានការសុខាភិបាលរបស់រាជរដ្ឋាភិបាល និងវិធានការនានារបស់រដ្ឋបាលខេត្តឧត្តរមានជ័យដែលមានជាធរមាន៕

អត្ថបទ៖ ចាន់ ធី