កូវីដ-១៩

បិទដំណើរការតូបលក់ដូរជាបណ្ដោះអាសន្ន នៅផ្សារស្វាយជ្រំ ខេត្តស្វាយរៀង រយៈពេល១៤ថ្ងៃ គិតពីថ្ងៃទី២២ ខែមិថុនា តទៅ

បានផុស

៤ years មុន

នៅ

ថ្ងៃអង្គារ ២២ មិថុនា ២០២១

ដោយ

ស្វាយរៀង ៖ រដ្ឋបាលស្រុកស្វាយជ្រំ សូមជម្រាបជូនដល់សាធារណជនបងប្អូនប្រជាពលរដ្ឋ ជាពិសេសអាជីវករផ្សារស្វាយជ្រំ ឲ្យបានជ្រាបថា បន្ទាប់ពីបានរកឃើញករណីវិជ្ជមានកូវីដ-១៩ ស្ថិតនៅភូមិតាប៉ ឃុំតាសួស ស្រុកស្វាយជ្រំ ខេត្តស្វាយរៀងចំនួន ០៧នាក់ ដោយក្រុមការងារស្រុក បានសហការជាមួយអាជ្ញាធរឃុំ ចុះស្រាវជ្រាវរកអ្នកប៉ះពាល់ផ្ទាល់ និងប្រយោលជាមួយអ្នកជំងឺខាងលើរកឃើញប្រមាណជាង៤០នាក់ ហើយនៅរសៀលថ្ងៃទី២១ ខែមិថុនា ឆ្នាំ២០២១ ក្រុមការងារបាននិងកំពុងបន្តចុះស្រាវជ្រាវរកអ្នកពាក់ព័ន្ធផ្ទាល់ និងប្រយោល បន្តទៀតដើម្បីទប់ស្កាត់ការឆ្លងរាលដាលជំងឺដូរកូវីដ-១៩ នៅទីប្រជុំជនផ្សារក៏ដូចជាទីប្រជុំជនស្រុកស្វាយជ្រំផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋបាលស្រុកស្វាយជ្រំ សូមធ្វើការបិទដំណើរការលក់ដូរតូបជាបណ្ដោះអាសន្ន នៅទីប្រជុំជនផ្សារស្វាយជ្រំរយៈពេល១៤ថ្ងៃ ចាប់ពីម៉ោង០០និង០០នាទី ថ្ងៃទី២២ ខែមិថុនា នៅដល់ថ្ងៃទី០៥ ខែកក្កដា ឆ្នាំ២០២១ ដើម្បីចូលរួមបង្ការទប់ស្កាត់ និងកាត់ផ្ដាច់ឬសគល់នៃការរីករាលដាលឆ្លងជំងឺកូវី-១៩បន្តទៀត។

ទន្ទឹមនឹងនេះរដ្ឋបាលស្រុកស្វាយជ្រំ សូមអំពាវនាវដល់ប្រជាពលរដ្ឋអាជីវករទាំងអស់ដែលធ្លាប់មានការប៉ះពាល់ជាមួយអ្នកជំងឺកូវីដ-១៩ខាងលើ បើមានអាការក្ដៅខ្លួន ក្អក ពិបាកដកដង្ហើម និងមានការសង្ស័យថាការឆ្លងមេរោគកូវីត-១៩ សូមអញ្ជើញយកសំណាកធ្វើតេស្តមេរោគ ជាបន្ទាន់នូវទីតាំងសាលាបឋមសិក្សាក្រោលគោ ឃុំក្រោលគោ និងទំនាក់ទំនងលេខទូរសព្ទ 097 7816 403 ឬ ទំនាក់ទំនង មក ក្រុមការងារ ស្រាវជ្រាវ និង តាមដាន បុគ្គល សង្ស័យ ថា មាន ផ្ទុក ជំងឺ កូ វី ដ -១៩ ខេត្ត 088 783 6666 ឬ 097 503 4567 ដើម្បី មាន វិធាន ការណ៍ បន្ត ។