កូវីដ-១៩

រដ្ឋបាលខេត្តស្វាយរៀង បង្ហាញអត្តសញ្ញាណអ្នកមានវិជ្ជមានជំងឺកូវីដ-១៩ ទាំង៦២នាក់ និងស្លាប់ម្នាក់

បានផុស

៤ years មុន

នៅ

ថ្ងៃអង្គារ ២២ មិថុនា ២០២១

ដោយ

ស្វាយរៀង ៖ យោងតាមសេចក្តីជូនព័ត៌មានរបស់ក្រសួងសុខាភិបាល ចេញនៅថ្ងៃទី២២ ខែមិថុនា ឆ្នាំ២០២១ ក្នុងខេត្តស្វាយរៀង ករណីជាសះស្បើយ ៣៦នាក់ ស្រី២៤នាក់ រកឃើញអ្នកឆ្លងជំងឺកូវីដ-១៩ថ្មីចំនួន ៦២នាក់ ស្រី៣៧នាក់ និងករណីស្លាប់ចំនួន១នាក់។

បច្ចុប្បន្ននេះ អ្នកវិជ្ជមានជំងឺកូវីដ-១៩ ត្រូវបានបញ្ជូនទៅព្យាបាលនៅមន្ទីរពេទ្យបង្អែកសាមគ្គីរំដួល ចំនួន១៥នាក់, មន្ទីរពេទ្យបង្អែកស្វាយជ្រំ ចំនួន១៤នាក់ និងមណ្ឌលព្យាបាលជំងឺកូវីដ-១៩ បាវិត ចំនួន៣២នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សូមបញ្ជាក់ផងដែរថា ក្នុងខេត្តស្វាយរៀងមានអ្នកឆ្លងជំងឺកូវីដ-១៩ សរុបចំនួន ១៦៣២នាក់ ស្រី៩៥២នាក់, ករណីជាសះស្បើយសរុបចំនួន ១១១២នាក់ ស្រី៦៣០នាក់, ករណីកំពុងសម្រាកព្យាបាលសរុបចំនួន ៥០៧នាក់ ស្រី៣១៧នាក់, និងករណីស្លាប់សរុបចំនួន ១២នាក់ ស្រី០៥នាក់។

រដ្ឋបាលខេត្តស្វាយរៀង សំណូមពរប្រសិនបើបងប្អូនដែលពាក់ព័ន្ធទាំងផ្ទាល់ និង ប្រយោលសូម ធ្វើ ចត្តាឡីស័ក តាមដានសុខភាព អនុវត្តតាមវិធានការណែនារបស់ក្រសួងសុខាភិបាល និង វិធានការ”៣ ការពារ ៣ កុំ” របស់ សម្ដេចតេជោ ហ៊ុន សែន ឬ មានរោគសញ្ញាដូចជា គ្រុនក្ដៅ , ក្អក , កណ្ដាស់ , ឈឺបំពង់ក ឬ ដកដង្ហើម ខ្លី ៗ ឬសង្ស័យសូមមេត្តាប្រញាប់ទៅ ធ្វើតេស្តរកមេរោគកូវីដ- ១៩ ឬ ផ្ដល់ ព័ត៌មាន ទៅ អាជ្ញាធរមូលដ្ឋាន ឬ ទំនាក់ទំនង មក ក្រុមការងារ ស្រាវជ្រាវ និង តាមដាន បុគ្គល សង្ស័យ ថា មាន ផ្ទុក ជំងឺ កូ វី ដ -១៩ ខេត្ត 088 783 6666 ឬ 097 503 4567 ដើម្បីមានវិធាន ការណ៍បន្ត។

សម្រាប់អ្នកដែលគ្មានរោគសញ្ញា សូមដាក់ខ្លួនដាច់ដោយឡែក និង តាមដាន សុខភាព របស់ ខ្លួន រយៈពេល ១៤ ថ្ងៃ ចាប់ពី ថ្ងៃ ដែល អ្នក បាន ប៉ះពាល់ ឬ ទៅ ទីកន្លែង នោះ៕

ដោយ ៖ ភក្ដី