កូវីដ-១៩

ប្រកាសផ្អាកជាបណ្តោះអាសន្ន នូវអាជីវកម្មលក់ដូរក្នុងផ្សារវាលរេញរយៈពេល១៤ថ្ងៃ

បានផុស

៤ years មុន

នៅ

ថ្ងៃអង្គារ ២២ មិថុនា ២០២១

ដោយ

ព្រះសីហនុ ៖ រដ្ឋបាលខេត្តព្រះសីហនុ នៅយប់ថ្ងៃទី២២ ខែមិថុនា ឆ្នាំ២០២១នេះ បានចេញសេចក្តី សម្រេចស្តីពីការផ្អាកជាបណ្តោះអាសន្ននូវអាជីវកម្មលក់ដូរគ្រប់ប្រភេទនៅក្នុងផ្សារវាលរេញ ស្ថិតនៅឃុំវាលរេញ ស្រុកព្រៃនប់ខេត្តព្រះសីហនុ រយៈពេល១៤ថ្ងៃ ចាប់ពីម៉ោងសូន្យ ថ្ងៃទី២៣ ខែមិថុនា ដល់ថ្ងៃទី៦ខែកក្កដា ឆ្នាំ២០២១ ដើម្បីទប់ស្កាត់ការឆ្លងរាលដាលនៃជំងឺកូវីដ-១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងសេចក្តីសម្រេចនេះ ត្រង់ចំណុចប្រការ២ បានឲ្យដឹងថា ក្នុងអំឡុងពេលផ្អាកជាបណ្តោះអាសន្ននូវអាជីវកម្មលក់ដូរទាំងអស់នៅក្នុងផ្សារវាលរេញ រដ្ឋបាលខេត្តព្រះសីហនុលើកទឹកចិត្តបងប្អូនអាជីវកទាំងអស់ឲ្យលក់ដូរគ្រឿងឧបភោគបរិភោគនៅតាមផ្សារម៉ាត ឬផ្សារទំនើប ឬការលក់ដូរនៅតាមលំនៅឋាន ឬនៅទីតាំងលក់ដូរផ្សេងទៀត ដោយអនុវត្តតាមសេចក្តីណែនាំលេខ ០០៨/២១ សណន ចុះថ្ងៃទី១៩ ខែឧសភា ឆ្នាំ២០២១ ស្តីពីការអនុវត្តស្តង់ដារសុវត្ថិភាពនៅតាមផ្សារម៉ាត នៅតាមលំនៅឋាន និងនៅតាមទីតាំងរៀបរយផ្សេងទៀតដើម្បីទប់ស្កាត់ការឆ្លងរាលដាលនៃជំងឺកូវីដ-១៩ របស់រដ្ឋបាលខេត្តព្រះសីហនុ។

នៅក្នុងសេចក្តីសម្រេចនេះត្រង់ចំណុចប្រការ៥ បានព្រមានថា ចំពោះបុគ្គលណាដែលមិនអនុវត្តតាមខ្លឹមសារនៃសេចក្តីសមហរេចនេះ ត្រូវទទួលទោសដូចមានកំណត់នៅក្នុងច្បាប់ស្តីពីវិធានការទប់ស្កាត់ការឆ្លងរាលដាលនៃជំងឺកូវីដ-១៩ និងជំងឺឆ្លងកាចសាហាវនិងប្រកបដោយគ្រោះថ្នាក់ធ្ងន់ធ្ងរផ្សេងទៀតនិងលិខិតបទដ្ឋានគតិយុត្តិពាក់ព័ន្ធជាធរមាន៕

ដោយ ៖ ស៊ុយ ចាន់ធា