ខេត្តស្ទឹងត្រែងរកឃើញករណីវិជ្ជមានកូវីដ១៩ ចំនួន ៣០ នាក់ ជាករណីច្រើនលើកដំបូង

រដ្ឋបាលខេត្តស្ទឹងត្រែង បានប្រកាសរកឃើញករណីវិជ្ជមានជំងឺកូវីដ១៩ ចំនួន ៣០ នាក់ នៅថ្ងៃទី ២៤ ខែមិថុនា ដែលជាករណីច្រើនមិនធ្លាប់មាននៅក្នុងខេត្តនេះ។ ជាករណីដែលពាក់ព័ន្ធនឹង ហាងខារ៉ាអូខេ “កាឡាក់ស៊ី”បានកែមកដាក់ភោជ​នីយដ្ឋាន​កា”ឡាក់ស៊ី”។

រដ្ឋបាលខេត្តស្ទឹងត្រែងបានចេញសេចក្តីប្រកាសបន្ទាន់មួយជូនដល់សាធារណៈជន ក៏ដូចប្រជាពលរដ្ឋខេត្តស្ទឹងត្រែង អ្នកដែលពាក់ព័ន្ធចាប់ពីថ្ងៃទី១៧ ដល់ថ្ងៃទី ២៤មិថុនា នៅភោជនីយដ្ឋាន”កាឡាក់ស៊ី”ត្រូវយកសំណាកវិភាគធ្វើតេស្តរកមេរោគកូវីត១៩ ជៀសវាងបង្កើនការរីករាលដាលកាន់តែច្រើនបន្ថែមទៀត។

ខេត្តស្ទឹងត្រែងមានអ្នកឆ្លងសរុបកើនដល់ ៥៩ នាក់ ជាសះស្បើយ១៣នាក់ និងកំពុងសម្រាកព្យាបាល ៤៦នាក់ ស្រី ២៥ នាក់៕

អត្ថបទ៖ ងិនលីម