កូវីដ-១៩

យុវជនវ័យ២១ឆ្នាំ ក្អួតធ្លាក់ឈាមដូចចាក់ទឹករហូតដល់ស្លាប់ គ្រូពេទ្យពិនិត្យសំណាកឃើញកូវីដ១៩

បានផុស

៤ years មុន

នៅ

ថ្ងៃសៅរ៍ ២៦ មិថុនា ២០២១

ដោយ

ភ្នំពេញ ៖ យុវជនវ័យ២១ឆ្នាំម្នាក់ បានក្អួតធ្លាក់ឈាមរហូតដល់ស្លាប់ បន្ទាប់មកគ្រូពេទ្យចុះមកពិនិត្យសំណាកសពស្រាប់តែមានវិជ្ជមានកូវីដ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្តីរាយការណ៍ពីលោក សេង វ៉ាន់ថា ចៅរងទី១សង្កាត់ស្ទឹងមានជ័យទី២ បានឲ្យកម្ពុជាថ្មីដឹងថា កាលពីវេលាម៉ោង១២ថ្ងៃត្រង់ ថ្ងៃទី២៦ខែមិថុនានេះយុវជនម្នាក់ឈ្មោះ អ៊ុក សេរីវុធ រស់នៅក្នុងក្រុមទី១៧ភូមិឫស្សី៣ សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ បានក្អកហើយក្អួតធ្លាក់ដូចចាក់ទឹករហូតដល់ស្លាប់ដោយបងប្អូនជួយដឹកយកទៅសង្គ្រោះទាន់ឡើយ។

លុះដល់ពេលផុតដង្ហើមភ្លាមក្រុមគ្រួសារបានរាយការណ៍មកអាជ្ញាធរនិងគ្រូពេទ្យឲ្យចុះពិនិត្យសំណាកស្រាប់តែមានវិជ្ជមានកូវីដ១៩។

លោក សេង វ៉ាន់ថា បានបញ្ជាក់ទៀតថា តាមក្រុមគ្រួសារសពបានប្រាប់ពីប្រវត្តិជនរងគ្រោះគឺធ្លាប់ឈឺរបេង ប៉ុន្តែបានជាសះស្បើយជាយូរមកហើយ។ ស្រាប់តែវេលាម៉ោង១២ថ្ងៃត្រង់ថ្ងៃទី២៦ខែមិថុនានេះ ជនរងគ្រោះបានក្អករហូតធ្លាក់ឈាមស្លាប់តែម្តង។ ដូច្នេះសូមប្រុងប្រយ័ត្នឲ្យបានខ្ពស់បំផុតទៅលើជំងឺកូវីដនេះ កុំថាឡើយតែមនុស្សចាស់សូម្បីមនុស្សវ័យ២១ឆ្នាំក៏រងគ្រោះដល់ស្លាប់៕

ដោយ ៖ នរា