ព័ត៌មានជាតិ
ខេត្តកំពង់ស្ពឺកំពុងបើកយុទ្ធនាការចាក់វ៉ាក់សាំងដល់កម្មកររោងចក្រ និង ពលរដ្ឋតាមទីប្រជុំជនជាង ២៥ ម៉ឺននាក់
ក្រុមគ្រូពេទ្យយោធា បាននិងកំពុងបើកយុទ្ធនាការចាក់វ៉ាក់សាំងបង្ការជំងឺកូវីដ-១៩ ដល់បងប្អូនកម្មករ កម្មការិនី តាមរោងចក្រ និង ប្រជាពលរដ្ឋនៅទីប្រជុំជន ក្នុងភូមិសាស្ត្រខេត្តកំពង់ស្ពឺ ប្រមាណ ២៥ ម៉ឺននាក់ ដើម្បីបង្កើនភាពស៊ាំ ទប់ស្កាត់ការឆ្លងជំងឺសាហាវនេះ។
បើតាម លោកវេជ្ជបណ្ឌិត អោ វណ្ណថេន ប្រធានមន្ទីរសុខាភិបាលខេត្តកំពង់ស្ពឺ បានមានប្រសាសន៍នៅថ្ងៃទី ២៧ មិថុនា នេះថា យុទ្ធនាការចាក់វ៉ាក់សាំងនេះចាប់ផ្តើមនៅថ្ងៃទី ២២ ខែមិថុនា ឆ្នាំ ២០២១ ទៅលើកម្មកររោងចក្រ និង ទីប្រជុំជនប្រមាណជាង ២៥ ម៉ឺននាក់ ព្រោះក្រុមការងារចាក់វ៉ាក់សាំងទទួលបានវ៉ាក់សាំងតែជាង ៥០ ម៉ឺនដូសប៉ុណ្ណោះ។
លោកវេជ្ជបណ្ឌិត បានបន្តថា តាមផែនការខេត្តកំពង់ស្ពឺមានអ្នកដែលត្រូវចាក់វ៉ាក់សាំងអាយុចាប់ពី ១៨ ឆ្នាំឡើងទៅប្រមាណ ៧០ ម៉ឺននាក់ ខណៈលើកមុនចាក់បានប្រមាណ ៤ ម៉ឺននាក់ ហើយបើបូកទាំងលើកនេះទៀតមានប្រមាណជិត ៣០ ម៉ឺននាក់នៅខ្វះ ៤០ ម៉ឺននាក់ទៀត។
លោកវេជ្ជបណ្ឌិត បានបន្តទៀតថា ចំណែកអ្នកដែលនៅសល់មិនដឹងថា នឹងបានចាក់ជាបន្តបន្ទាប់ទៀតនោះទេ អាស្រ័យលើការមានវ៉ាក់សាំង និង សម្រេចលើគណៈកម្មការចាក់វ៉ាក់សាំងជាអ្នកសម្រេចក្នុងការបែងចែកវ៉ាក់សាំងទៅខេត្តណាខ្លះ ព្រោះតម្រូវការវ៉ាក់សាំងមានច្រើន មិនមែនមានតែខេត្តកំពង់ស្ពឺមួយនោះទេ។
បច្ចុប្បន្ននេះ ក្រុមការងារចាក់វ៉ាក់សាំងកំពុងចាក់វ៉ាក់សាំងបង្ការជំងឺកូវីដ-១៩ នៅតាមរាជធានី-ខេត្តចំនួន ៩ ក្នុងនោះរួមមាន ៖ រាជធានីភ្នំពេញ កណ្ដាល កំពង់ស្ពឺ ស្វាយរៀង កោះកុង ព្រះសីហនុ តាកែវ កំពង់ឆ្នាំង និង កំពង់ចាម។
គួរបញ្ជាក់ថា គិតចាប់ពីថ្ងៃទី ១០ ខែកុម្ភៈ រហូតមកដល់ថ្ងៃទី ២៦ ខែមិថុនា ឆ្នាំ ២០២១ នេះ កម្ពុជា បានចាក់វ៉ាក់សាំងបង្ការជំងឺកូវីដ-១៩ នៅទូទាំងប្រទេសចំនួន ៣៨៨៦៥៣៤ នាក់ ស្មើនឹង ៣៨.៨៧ ភាគរយ នៃគោលដៅ ១០ លាននាក់៕
អត្ថបទ ៖ សំអឿន
ក្រុមហ៊ុន Smart Axiata ទទូលបានពានរង្វាន់ “បរិយាបន្នឌីជីថល” ពីរឆ្នាំជាប់គ្នាៗ ពីកម្មវិធី AmCham CSR Excellence Awards
ត្រាំ បញ្ជាក់ថា «ពន្ធឱ្យស្មើគ្នា» នឹងដាក់លើគ្រប់ប្រទេសទាំងអស់
ក្រសួង ហាមមិនឱ្យលេងបាញ់ទឹក ជះទឹក លាបម្សៅ តាមសាលារៀនរដ្ឋ និងឯកជន
តំបន់ទេសចរណ៍ល្បី «បឹង Inle» នៅមីយ៉ាន់ម៉ា មានអ្នកស្លាប់កើនដល់៨៩នាក់ក្នុងគ្រោះរញ្ជួយដី
អ៊ីរ៉ង់ តម្រង់ក្បាលមីស៊ីលរបស់ខ្លួនទៅលើមេឃ ក្រោយ ត្រាំ គំរាមទម្លាក់គ្រាប់បែក
-
ព័ត៌មានអន្ដរជាតិ៣ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ១ ថ្ងៃ agoកើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី