កូវីដ-១៩

ក្មេងកំព្រានិងអ្នកមើលថែនៅមណ្ឌល«មែកឈើ» ១២នាក់ឆ្លងកូវីដ ខណៈប្រធានឆ្លងកម្រិតធ្ងន់កំពុងព្យាបាល

បានផុស

៤ years មុន

នៅ

ថ្ងៃពុធ ៣០ មិថុនា ២០២១

ដោយ

ភ្នំពេញ ៖ កុមារកំព្រានិងអ្នកម្តាយមើលថែដែលកំពុងរស់នៅក្នុងមណ្ឌល«មែកឈើ»ចំនួន១២ នាក់បានរកឃើញឆ្លងជំងឺកូវីដ-១៩ ខណៈលោក ផន ផល្លា ដែលជាប្រធានឆ្លងកម្រិតធ្ងន់កំពុងព្យាបាលផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ផន ផល្លា បានបញ្ជាក់ឲ្យដឹងថា ក្រោយធ្វើតេស្តសំណាកបានរកឃើញកុមារកំព្រានៅមណ្ឌលមែកឈើចំនួន១២នាក់ ដែលពួកគាត់ពិនិត្យឃើញវិជ្ជមានកូវីដហើយកំពុងព្យាបាលនៅAWJ CAM INVESTMENTមានចំនួនសរុប១២នាក់(កូនៗ ១០នាក់ម្តាយថែទាំ២នាក់ ) ។

ជាមួយគ្នានេះ លោកក៏បានអំពាវនាវសប្បុរសជនដែរថា សូមជម្រាបដល់បងប្អូនដែលមានបំណងចង់ជួយឧបត្ថម្ភគាំទ្រដល់កូនៗនៅមណ្ឌលមែកឈើរបស់យើងដែលពួកគាត់ពិនិត្យឃើញវិជ្ជមានកូវីដ -១៩ចំណីចំណុកដែលត្រូវការដូចជា ទឹកផ្លែឈើទឹកដោះគោស្រស់ ,ផ្លែឈើមួយចំនួន ,ទឹកដោះគោ កូនក្មេងអាយុ ១ខួបជាងម៉ាកDupro 2,ខោទឹកនោមក្មេងនិងរបស់ផ្សេងៗដែលបងប្អូនគិតថាចាំបាច់ សម្រាប់ពួកគាត់ផងចុះ។

សូមមេត្តាផងចុះបុគ្គលិករបស់មណ្ឌលត្រូវជាប់នៅ ក្នុងមណ្ឌលពុំអាចចេញឬចូលនោះ។ ទីតាំងនៅបណ្តោយវិថីផ្សារដែកកែងមហាវិថីព្រះមុនី្នវង្ស។ សូមបញ្ជាក់ថា លោក ផន ផល្លា ប្រធាន មូលនិធិ សប្បុរសធម៌( គយ ក )និងជាប្រធានមណ្ឌល មែកឈើដែលជាមណ្ឌលជួយដល់កុមារកំព្រាបានប្រកាសកាលពីថ្ងៃទី២៧ខែមិថុនាថា លោកបានឆ្លងកូវីដ-១៩ កម្រិតធ្ងន់ធ្ងរដោយលោកពិនិត្យ៤លើកទើបរកឃើញវិជ្ជមានកូវ-១៩៕

ដោយ ៖ ចាន់រ៉ា