កុំឱ្យខុស ត្រូវដឹងរបៀបប្រើឧបករណ៍តេស្ដរហ័សកូវីដ-១៩ របស់៤ក្រុមដែលទទួលស្គាល់នៅកម្ពុជា

យោងតាមគោលការណ៍ណែនាំប្រតិបត្តិស្ដីពីការប្រើប្រាស់តេស្ដរហ័សរកអង់ទីហ្សែនកូវីដ-១៩ (COVID-19 Rapid Antigen Test) របស់ក្រសួងសុខាភិបាលនៃព្រះរាជាណាចក្រកម្ពុជា ក្រសួងសុខាភិបាល គិតត្រឹមថ្ងៃទី៧ ខែកក្កដា ឆ្នាំ២០២១នេះ បានផ្ដល់ការទទួលស្គាល់ និងអនុញ្ញាតឱ្យប្រើប្រាស់តេស្ដរហ័សរកអង់ទីហ្សែនកូវីដ-១៩ ពី៤ក្រុមហ៊ុនមានដូចជា ក្រុមហ៊ុន Abbott ក្រុមហ៊ុន Roche ក្រុមហ៊ុន SD Biosensor និងក្រុមហ៊ុន Phase Scientific។

១. ក្រុមហ៊ុន Abbott ផលិតឧបករណ៍តេស្ដរហ័សរកអង់ទីហ្សែនកូវីដ-១៩ ឈ្មោះ ABBOTT PANBIO^TM COVID-19 Ag RAPID TEST DEVICE ។

២. ក្រុមហ៊ុន Roche ផលិតឧបករណ៍តេស្ដរហ័សរកអង់ទីហ្សែនកូវីដ-១៩ ឈ្មោះ ROCHE SARS-CoV-2 Rapid Antigen Test 25T ។

៣. ក្រុមហ៊ុន SD Biosensor ផលិតឧបករណ៍តេស្ដរហ័សរកអង់ទីហ្សែនកូវីដ-១៩ ឈ្មោះ STANDARD Q COVID-19 Ag Test ។

៤. និងក្រុមហ៊ុន Phase Scientific ផលិតឧបករណ៍តេស្ដរហ័សរកអង់ទីហ្សែនកូវីដ-១៩ ឈ្មោះ INDICAID COVID-19 Rapid Antigen Test ។

ខាងក្រោមនេះ ជារបៀបធ្វើតេស្តរហ័សរកអង់ទីហ្សែនកូវីដ-១៩ នៃក្រុមហ៊ុនទាំង៤៖

គួរបញ្ជាក់ថា កាលពីថ្ងៃទី០១ ខែកក្ដដា ឆ្នាំ២០២១កន្លងទៅនេះ សម្តេចតេជោ ហ៊ុន សែន បានប្រកាសបើកឱកាសឱ្យក្រុមហ៊ុនឯកជន អាចប្រើប្រាស់ឧបករណ៍តេស្ដរហ័ស ធ្វើតេស្ដសុខភាពបុគ្គលិក ឬកម្មកររបស់ខ្លួន ដើម្បីងាយស្រួលគ្រប់គ្រង និងបញ្ជូនទៅសម្រាកព្យាបាលបានលឿន ក្នុងករណីរកឃើញវិជ្ជមានកូវីដ-១៩។

សម្ដេចតេជោ គូសបញ្ជាក់ថា ខណៈដែលប្រជាពលរដ្ឋមានចំនួនច្រើនហើយក្រុមគ្រូពេទ្យមានចំនួនតិច ដូច្នេះ ការបង្រៀនឱ្យប្រជាពលរដ្ឋចេះការពារខ្លួនគឺជារឿងចាំបាច់ ដើម្បីបញ្ចៀសភាពយឺតយ៉ាវ និងគ្រប់គ្រងសភាពការណ៍មិនបានទាន់ពេលវេលា៕

អត្ថបទ៖ ច័ន្ទ វីរៈ