កូវីដ-១៩

បើកយុទ្ធនាការចាក់ចាក់វ៉ាក់សាំងជូនប្រជាពលរដ្ឋ៤សង្កាត់នៃក្រុងសិរីសោភ័ណមានរយៈពេល ១៤ ថ្ងៃ គិតពីថ្ងៃទី១០ខែកក្កដា នេះតទៅ

បានផុស

៤ years មុន

នៅ

ថ្ងៃសៅរ៍ ១០ កក្កដា ២០២១

ដោយ

បន្ទាយមានជ័យ ៖ ថ្ងៃទី ១០ ខែ កក្កដា ឆ្នាំ ២០២១នេះ ក្នុងក្រុងសិរីសោភ័ណបានបើកយុទ្ធនាការទ្រង់ទ្រាយធំលើកទី២ ចាក់វ៉ាក់សាំងបង្ការការពារជម្ងឺកូវីដ.១៩ ជូនប្រជាពលរដ្ឋ៤សង្កាត់នៃទីប្រជុំជនក្រុងសិរីសោភ័ណ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧត្តមសេនីយ៍ទោ សរ គឹមប៉ាក់ មេបញ្ជាការ រង យោធភូមិភាគទី ៥និងជាប្រធានក្រុមការងារទី៣ គោលដៅ វត្តស្វាយចាស់និងគោលដៅវត្តសមាធិផល បានប្រាប់អ្នកយកព័ត៌មានឲ្យដឹងថា គម្រោងយុទ្ធនាការលើកទី២ នៃការចាក់វ៉ាក់សាំងនេះចាប់ផ្តើមចាក់នៅពេលព្រឹកថ្ងៃទី១០ ខែកក្កដា ឆ្នាំ២០២១ តទៅ ក្នុងរយៈពេល១៤ ថ្ងៃ ជំហានទី១ គ្រូពេទ្យយោធាគ្រោងចាក់ជូន ព្រះសង្ឃ មន្ត្រីរាជការ កម្មករ កម្មការិនី និងប្រជាពលរដ្ឋឲ្យបានជាង៥មឺុននាក់ នៅទាំង៤សង្កាត់នេះ។

និងបន្ទាប់មកនៅសង្កាត់៣ទៀត ព្រមទាំងនៅស្រុកព្រះនេត្រព្រះ ស្រុកមង្គលបូរីនិងស្រុកម៉ាឡៃ ឯគ្រូពេទ្យ មន្ទីរសុខាភិបាលនឹងចាក់នៅស្រុកអូរជ្រៅ ចំពោះក្រុងសិរីសោភ័ណនេះគឺក្នុង១សង្កាត់មានទីតាំងចាក់វ៉ាក់សាំង២កន្លែង។ទី១/ សម្រាប់ពលរដ្ឋនៅសង្កាត់ទឹកថ្លា ត្រូវទទួលការចាក់វ៉ាកសាំងនៅទីតាំងសាលាបឋមសិក្សាគាប។ និងទីតាំងតំបន់ប្រតិបត្តិនារសឹករងខេត្តយោធាខេត្ត ។២/ សង្កាត់អូរអំបិល នៅទីតាំងសាលាបឋមសិក្សាគោរដ្ឋាននិងទីតាំងតំបន់ប្រតិបត្តិនារសឹករងខេត្តយោធាខេត្ត។ទី៣/សង្កាត់ព្រះពន្លា នៅទីតាំងវត្តសមាធិ ភូមិ៤ និងនៅវិទ្យាល័យពុទ្ធកៈសម្តេចធម្មពោធិសាលជាស៊ីម នាវត្តស្វាយចាស់ ភូមិ១ និងទី៤/ សង្កាត់កំពង់ស្វាយ នៅទីតាំងសាលាបឋមសិក្សាហ៊ុនសែនសូភីភូមិសូភី និងនៅសាលាបឋមសិក្សាប៉ោយសូភី ភូមិ២។

លោកឧត្តមសេនីយ៍ទោ សរ គឹមប៉ាក់បានបន្តថា កាលពីល្ងាចថ្ងៃទី៨ខែកក្កដា កន្លងមក ខេត្តបន្ទាយមានជ័យទទួលវ៉ាក់សាំងពីថ្នាក់លើបានចំនួន៥,៥ដូស ហើយល្ងាចថ្ងៃទី៩ខែកក្កដា នឹងទទួលបន្ថែមទៀត ។

លោកឧត្តមសេនីយទោសេង ធារិន បញ្ជាការរង ជានាយសេនាធិការយោធភូមិភាគទី៥ និងជាប្រធានក្រុមគ្រូពេទ្យចាក់វ៉ាក់សាំងការពារកូវីដ១៩ យោធភូមិភាគបានឲ្យដឹងថា គ្រូពេទ្យយោធាមកពី១២អង្គភាពចំណុះយោធភូមិភាគនឹងជួយអន្តរាគមន៍លើផ្នែកចាក់វ៉ាក់សាំង។

ឯកម្លាំងកងរាជអាវុធហត្ថ មន្ត្រីអាជ្ញាធរ ប្រជាការពារ យុវជនសសយកនឹងជួយលើការសម្របសម្រួលបែបបទរដ្ឋបាល សណ្តាប់ធ្នាប់ ការចុះ និងហៅឈ្មោះ ផ្ទៀងផ្ទាត់បញ្ជូលទិន្នន័យក្នុងកុំព្យូទ័រជាដើម។

ក្នុងនោះ លោកនាយឧត្តមសេនីយ៍ ម៉ក់ សារុន អគ្គមេបញ្ជាការរងនៃអគ្គបញ្ជាការដ្ឋានកងយោធពលខេមរភូមិន្ទបានកោតសរសើរនិងថ្លែងអំណរគុណដល់ក្រុមការងារទាំងកងកម្លាំង ទាំងអាជ្ញាធរដែលបានខិតខំប្រឹងប្រែងចាក់វ៉ាក់សាំងបង្ការកូវីដ១៩ ជូនពលរដ្ឋនៅតំបន់បិទខ្ទប់ បន្ទាប់ពីមានការផ្ទុះខ្លាំង ការរីករាលដាលជំងឺកូវីដ១៩ និងប្រឈមនេះ។

ក្នុងនោះលោកបានណែនាំទូទៅ វិន័យ ការទទួលខុសត្រូវចំពោះថ្នាក់លើ ក៏ដូចពលរដ្ឋ និងបច្ចេកទេសដើម្បីឲ្យដំណើរការចាក់វ៉ាក់សាំងប្រព្រឹត្តទៅរលូន បានលទ្ធផលល្អ មានប្រសិទ្ធភាពនិងប្រកបដោយការទទួលខុសត្រូវផងដែរ៕

ដោយ ៖ វ៉ាន់ ណាង