ព័ត៌មានជាតិ
ក្រសួងសាធារណការ បញ្ជាទិញឧបករណ៍តេស្តរហ័សជិត ១ ម៉ឺនសម្រាប់ធ្វើតេស្តដល់មន្ត្រីរាជការ
ក្រសួងសាធារណការ និងដឹកជញ្ជូន បានបញ្ជាទិញឧបករណ៍ធ្វើតេស្តរហ័ស (Rapid Test) ប្រមាណ ៧ ពាន់ Kits សម្រាប់ប្រើប្រាស់តាមអង្គភាពក្រោមឱវាទក្រសួង និង ការដ្ឋានចាំបាច់មួយចំនួន។
ថ្លែងក្នុងកម្មវិធីបណ្ដុះបណ្ដាលពីរបៀបធ្វើតេស្តរហ័ស (Rapid Test) ជូនដល់មន្ត្រីរាជការជាជនបង្គោលទាំង ២៥ រាជធានី-ខេត្ត លោក កែន រដ្ឋា អគ្គនាយក នៃអគ្គនាយករដ្ឋបាល និង ហិរញ្ញវត្ថុ នៃក្រសួងសាធារណការ និង ដឹកជញ្ជូន ឲ្យដឹងថា ដើម្បីជាការចូលរួមចំណែកជាមួយរាជរដ្ឋាភិបាល និង ក្រសួងសុខាភិបាល ក្នុងការស្វែងរកប្រភពចម្លង និង អាចមានលទ្ធភាពកាត់ផ្ដាច់ឫសគល់មេរោគកូវីដ-១៩ នេះ ប្រកបដោយប្រសិទ្ធភាព ក្រសួង បានបញ្ជាទិញឧបករណ៍ធ្វើតេស្តរហ័ស(Rapid Test) ប្រមាណ ៧ ពាន់ Kits សម្រាប់ប្រើប្រាស់តាមអង្គភាពក្រោមឱវាទក្រសួង និង ការដ្ឋានចាំបាច់មួយចំនួន។
លោកបន្តថា ក្រសួង បានធ្វើតេស្តរហ័សជូនបុគ្គលិកមន្ត្រីរាជការ មន្ត្រីបច្ចេកទេសតាមការដ្ឋាន និងអ្នកបើកបរ នៅពេលចុះបំពេញបេសកកម្មតាមការដ្ឋាន និង មុនចូលរួមក្នុងកិច្ចប្រជុំសំខាន់ៗមួយចំនួនរួចមកហើយ។
បន្ថែមពីនេះ ក្រសួង ក៏បានបញ្ជាទិញ និង បម្រុងទុកឱសថចិន (LIANHUA QINGWEN JIAONANG) មួយចំនួន សម្រាប់ផ្តល់ជូនដល់បុគ្គលិកមន្ត្រីរាជការណាដែលមានហានិភ័យឆ្លង ឬបានឆ្លងជំងឺកូវីដ-១៩ ប្រើប្រាស់ផងដែរ។
លោកបានបញ្ជាក់ថា បញ្ហាជំងឺកូវីដ-១៩ នេះ មិនមែនជាបញ្ហារបស់ កម្ពុជា តែឯងនោះទេ ប៉ុន្តែវាជាបញ្ហាប្រឈមជាសកលរបស់ប្រជាជននៅក្នុងពិភពលោកទាំងមូល។ នាពេលបច្ចុប្បន្ន ជំងឺកូវីដ ក្នុងកម្ពុជាយើង ក៏នៅតែបន្តរីករាលដាល និង រកឃើញករណីឆ្លងថ្មីជារៀងរាល់ថ្ងៃ ជាពិសេសព្រឹត្តិការណ៍ ២០ កុម្ភៈ ដែលបានផ្ទុះឡើង និង មិនទាន់អាចបិទបញ្ចប់ ហើយអត្រាអ្នកឆ្លងថ្មីជារៀងរាល់ថ្ងៃ នៅតែបន្តរកឃើញក្នុងកម្រិតខ្ពស់ ដែលនេះជាកង្វល់ និង ក្តីបារម្ភមួយសម្រាប់យើងទាំងអស់គ្នា ហើយតម្រូវឲ្យយើងគ្រប់គ្នាត្រូវចូលរួម ដើម្បីកាត់បន្ថយការឆ្លង និង អាចបិទបញ្ចប់ការរីករាលដាលជាស្ថាពរផងដែរ។
លោក បានលើកឡើងទៀតថា ថ្លែងក្នុងកិច្ចប្រជុំពេញអង្គរបស់គណៈរដ្ឋមន្ត្រី កាលពីថ្ងៃទី ៩ ខែកក្កដា ឆ្នាំ ២០២១ នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានថ្លែងនូវការកោតសរសើរចំពោះក្រសួងសាធារណការ និង ដឹកជញ្ជូន ដែលអាចផ្គត់ផ្គង់ដោយខ្លួនឯងក្នុងការទិញឧបករណ៍ធ្វើតេស្តរហ័សរកមេរោគកូវីដ-១៩ (Rapid Test) និង អាចផ្គត់ផ្គង់ទៅអង្គភាពក្រោមឱវាទផ្សេងទៀតផងដែរ។
ក្រសួង បានរៀបចំបើកវគ្គបណ្ដុះបណ្ដាលរបៀបធ្វើតេស្តរហ័ស (Rapid Test) លើកទី ១ កាលពីថ្ងៃទី ១៧ ខែមិថុនា ឆ្នាំ ២០២១ ដល់ជនបង្គោលជាមន្ត្រីរាជការតាមបណ្តាអគ្គនាយកដ្ឋាន និង អង្គភាពថ្នាក់ជាតិចំនួន ៣៥ នាក់ ហើយវគ្គបណ្ដុះបណ្ដាលលើកទី ២ នេះ មានសិក្ខាកាមជាមន្ត្រីរាជការ នៃមន្ទីរសាធារណការ និង ដឹកជញ្ជូនរាជធានី-ខេត្ត ចូលរួមសរុបប្រមាណ ៧០ នាក់ សរុបទាំងពីរលើក បាន ១០៥ នាក់។
លោកអគ្គនាយក បានបញ្ជាក់ថា គោលបំណង នៃវគ្គបណ្ដុះបណ្ដាលនេះ ត្រូវបានរៀបចំឡើងក្នុងន័យចែករំលែក និង លើកកម្ពស់ចំណេះដឹងឲ្យបានទូលំទូលាយអំពីមូលដ្ឋានគ្រឹះ នៃការការពារខ្លួន ការត្រួតពិនិត្យ និង ការឆ្លងមេរោគកូវីដ-១៩ ព្រមទាំងរបៀប នៃការធ្វើតេស្តរហ័សរកមេរោគកូវីដ-១៩ (Rapid Test) ស្របតាមអនុសាសន៍ណែនាំរបស់ ប្រមុខរាជរដ្ឋាភិបាល និង ជាការចូលរួមចំណែកជាមួយ ក្រសួងសុខាភិបាល ដើម្បីបង្ការទប់ស្កាត់ការចម្លងតគ្នាពីមនុស្សម្នាក់ទៅមនុស្សម្នាក់ទៀត ក្នុងពេលបំពេញការងារ ឬ ការប្រាស្រ័យទាក់ទងគ្នាក្នុងសកម្មភាពផ្សេងៗ៕
អត្ថបទ ៖ សំអឿន
សមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
ស្ថាបនិក World Rice Conference គាំទ្រកម្ពុជានៅក្នុងការធ្វើជាម្ចាស់ផ្ទះរៀបចំសន្និសីទស្រូវអង្ករពិភពលោក សម្រាប់ឆ្នាំ២០២៥
រដ្ឋមន្ត្រី នេត្រ ភក្ត្រា៖ រហូតមកដល់ពេលនេះ និងតទៅអនាគត គ្មានគណបក្សណាមួយមកអាចជំនួសបក្សប្រជាជនកម្ពុជាក្នុងការដឹកនាំរាជរដ្ឋាភិបាលបានឡើយ
ជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
រដ្ឋមន្ត្រី៖ កិច្ចសហប្រតិបត្តិរវាងអាមេរិក-កម្ពុជា សម្រេចផ្លែផ្កាលើការអភិវឌ្ឍវិស័យសុខាភិបាល ពិសេសលើកកម្ពស់សុខុមាលភាពប្រជាជនកម្ពុជា
ជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
សមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
ត្រាំ បន្ទោស បៃដិន ខ្លាំងៗថា បើអាមេរិក មិនចេញមុខធានាឲ្យអ៊ុយក្រែនចូលណាតូ សង្គ្រាមរុស្ស៊ីក៏មិនផ្ទុះឡើងដែរ
ត្រាំ គំរាម អាចប្រើកម្លាំងយោធា ដើម្បីយកដែនដី Greenland មកគ្រប់គ្រង
Los Angeles កើតភ្លើងឆេះព្រៃច្រើនឡើងៗ បន្ថែមទៀត ឈានដល់កម្រិតគ្រោះថ្នាក់ធ្ងន់ធ្ងរបំផុត ពិបាកគ្រប់គ្រង
-
ព័ត៌មានជាតិ៦ ថ្ងៃ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍៣ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៦ ម៉ោង agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ព័ត៌មានជាតិ៦ ថ្ងៃ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
ព័ត៌មានជាតិ៧ ថ្ងៃ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
សេដ្ឋកិច្ច៧ ថ្ងៃ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
សេដ្ឋកិច្ច៧ ថ្ងៃ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា
-
ព័ត៌មានជាតិ៦ ថ្ងៃ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»