ច្រើនបំផុតមួយថ្ងៃ ខេត្តឧត្តរមានជ័យ ប្រកាសរកឃើញអ្នក​ឆ្លងកូវីដ ២៤០ នាក់ នាំចូលពីថៃ

ខេត្តឧត្តរមានជ័យ ប្រកាសរកឃើញ អ្នកឆ្លងជំងឺកូវីដ១៩ នៅថ្ងៃទី ១១ ខែកក្កដា ចំនួន ២៤០ នាក់សុទ្ធសឹងតែជាករណីនាំចូលពីប្រទេសថៃ ចំនួន ២៣៩ ករណី។

ខេត្តឧត្តរមានជ័យ មានករណីឆ្លងជិត ២ ពាន់ (១ ៨២៥) ក្នុងនោះករណីនាំចូលពីក្រៅប្រទេសចំនួន១ ៦៧៧ ករណី និងករណីឆ្លងក្នុងសហគមន៍ ២០កុម្ភៈ ចំនួន ១៤៨ករណី និងបានព្យាបាលជាសះស្បើយចំនួន៣៧១នាក់ កំពុងសម្រាកព្យា​បាលចំនួន១ ៤៥០នាក់ និងស្លាប់ចំនួន ០៤នាក់។

រដ្ឋបាលខេត្តបានអំពាវនាវដល់ប្រជាពលរដ្ឋ បន្តចូលរួមអនុវត្តយ៉ាងមុឹងម៉ាត់នូវវិធានការនានារបស់ក្រសួងសុខាភិបាលនិងវិធានការ ៣ការពារ: ត្រូវពាក់ម៉ាស់ត្រូវលាងដៃជាមួយសាប៊ូឬជែលនិងត្រូវរក្សាគម្លាតសុវត្ថិភាព ៣ កុំ: កុំចូលទៅកន្លែងបិទជិតគ្មានខ្យល់ចេញ ចូល កុំទៅកន្លែងមានមនុស្សច្រើនកុះករនិងកុំប៉ះពាល់គ្នា៕ ដោយ:ចាន់ ធី