ម៉ាឡេស៊ី រកឃើញអ្នកឆ្លងកូវីដ ក្នុងកម្រិតបំបែកកំណត់ត្រា ៣ថ្ងៃជាប់គ្នា

នៅថ្ងៃព្រហស្បតិ៍ទី១៥ ខែកក្កដានេះ ប្រទេសម៉ាឡេស៊ី បានរាយការណ៍ករណីឆ្លងជំងឺកូវីដ-១៩ ចំនួន ១,៣២១ ករណី ដែលជាចំនួនឆ្លងក្នុងកម្រិតកំណត់ត្រា បីថ្ងៃជាប់ៗគ្នា។

នេះក៏ជាករណីឆ្លងក្នុងកម្រិតខ្ពស់លើកទី ៥ របស់ប្រទេស ក្នុងរយៈពេល ៧ ថ្ងៃចុងក្រោយផងដែរ ហើយនេះជាលើកទី ១ ដែលម៉ាឡេស៊ី មានអ្នកឆ្លងប្រចាំថ្ងៃ លើស ១៣,០០០ ករណី។

អគ្គនាយកសុខាភិបាលលោក Noor Hisham Abdullah បាននិយាយកាលពីថ្ងៃអង្គារថា ការកើនឡើងនូវករណីថ្មី គឺដោយសារតែការបង្កើនល្បឿនធ្វើតេស្ត រកជំងឺកូវីដ-១៩។

ប្រទេសម៉ាឡេស៊ី បានដាក់វិធានការបិទខ្ទប់ ទូទាំងប្រទេសជាលើកទី ៣ របស់ខ្លួននៅថ្ងៃទី ១ ខែមិថុនា ភ្លាមៗបន្ទាប់ពី ករណីឆ្លងកូវីដប្រចាំថ្ងៃ បានកើនដល់ ៩,០០០ករណី ជាលើកដំបូង កាលពីថ្ងៃទី២៩ខែឧសភា។

ចំនួនករណីឆ្លង បានឡើងដល់កម្រិតខ្ពស់បំផុតជាថ្មីម្តងទៀតនៅថ្ងៃទី ៩ និងថ្ងៃទី ១០ ខែកក្កដា ដោយមួយថ្ងៃឆ្លងជាង ៩,១០០ករណី មុនពេលឈានដល់ ១១,០០០ករណីជាលើកដំបូង កាលពីថ្ងៃអង្គារ។

គិតត្រឹមថ្ងៃព្រហស្បតិ៍នេះ ប្រទេសម៉ាឡេស៊ី បានរាយការណ៍ថា មានករណីឆ្លងកូវីដសរុប៨៨០,៧៨២ ករណី៕

ប្រែសម្រួល៖ Vann Vann

ប្រភព៖ CNA

ចុចអាន៖ ថៃ ប្រកាសមានអ្នកស្លាប់ដោយសារកូវីដ ច្រើនបំផុតបំបែកកំណត់ត្រាថ្មី និងឆ្លងជិត ១ម៉ឺនករណី