កូវីដ-១៩
ធ្ងន់ធ្ងរណាស់ ក្នុងមួយសប្តាហ៍ចំនួនអ្នកស្លាប់ដោយសាកូវីដនៅ អាហ្វ្រិក កើនឡើង ៤៣ ភាគរយ
អង្គការសុខភាពពិភពលោក (WHO) បាននិយាយកាលពីថ្ងៃព្រហស្បតិ៍ថា ការស្លាប់ដែលទាក់ទងនឹងជំងឺកូវីដ ១៩ នៅទ្វីបអាហ្វ្រិកបានកើនឡើង ៤៣ ភាគរយ ក្នុងចន្លោះពេលមួយសប្តាហ៍ ដោយសារកង្វះគ្រែក្នុងបន្ទប់ ICU និងអុកស៊ីសែន ខណៈវីរុសបំប្លែងខ្លួនឥណ្ឌា “Delta” កំពុងរីករាលដាលខ្លាំងក្នុងទ្វីបនេះ ។
ការស្លាប់ដែលទាក់ទងនឹងជំងឺកូវីដ ១៩ ក្នុងតំបន់អាហ្រ្វិករបស់ WHO រួមមាននៅអាហ្វ្រិកខាងជើង បានកើនឡើងដល់ ៦,២៧៣ នាក់ក្នុងមួយសប្តាហ៍ ពោលចាប់ពីថ្ងៃទី ៥ ទៅទី ១១ ខែកក្កដា នេះបើប្រៀបធៀបនឹងចំនួន ៤,៣៨៤ នាក់កាលពីសប្តាហ៍មុន ។

លោកស្រីវេជ្ជបណ្ឌិត Matshidiso Moeti នាយក WHO ប្រចាំទ្វីបអាហ្វ្រិក បានប្រាប់សន្និសីទសារព័ត៌មានមួយថា ការស្លាប់បានកើនឡើងយ៉ាងខ្លាំងក្នុងរយៈពេល ៥ សប្តាហ៍កន្លងមកនេះ ។ នេះជាសញ្ញាណព្រមានយ៉ាងច្បាស់ថា មន្ទីរពេទ្យនៅក្នុងប្រទេសដែលរងផលប៉ះពាល់ខ្លាំងបំផុត កំពុងឈានដល់មាត់ជ្រោះហើយ ។
ទន្ទឹមនោះ WHO បាននិយាយកាលពីថ្ងៃព្រហស្បតិ៍ថា ការកើនឡើងនៃការស្លាប់នេះ ស្របគ្នានឹងកង្វះវ៉ាក់សាំង ការរីករាលដាលយ៉ាងរហ័សនៃវីរុសបំប្លែងខ្លួនឥណ្ឌា “Delta” ដែលឥឡូវនេះត្រូវបានគេរកឃើញក្នុងប្រទេសចំនួន ២១ នៅទ្វីបអាហ្វ្រិករួម ជាមួយនឹងការធ្លាក់ចុះជាសាធារណៈនៃវិធានការណ៍ការពារ ។

ជាមួយគ្នានេះដែរ WHO បានព្រមានថា វីរុសកូវីដបំប្លែងខ្លួនដែលមានគ្រោះថ្នាក់បន្ថែមទៀត អាចបង្កការអន្តរាយកាន់តែច្រើននៅពាសពេញពិភពលោក ខណៈករណីឆ្លងទូទាំងពិភពលោកបានកើនឡើងដល់កន្លះលាននាក់ក្នុងមួយថ្ងៃ ដែលភាគច្រើនជាវីរុសបំប្លែងខ្លួនដ៏កាចសាហាវ “Delta” របស់ឥណ្ឌា ។
គិតត្រឹមពេលនេះ ទ្វីបអាហ្រ្វិកបានកត់ត្រាករណីឆ្លងជំងឺកូវីដ ១៩ ជាង ៦ លានករណី ខណៈដែលតួលេខនេះ គឺទាបជាងបណ្តាទ្វីបដទៃទៀត ប៉ុន្តែក្រុមអ្នកជំនាញបាននិយាយថា វាគ្រាន់តែជាតួលេខប៉ាន់ស្មានប៉ុណ្ណោះ ខណៈចំនួនផ្លូវការអាចលើសនេះ ៕

ប្រែសម្រួលដោយ ៖ ជីវ័ន្ត
ប្រភព ៖ Al Jazeera
ចុចអាន ៖ WHO ថា បណ្តាប្រទេស អាហ្វ្រិក ៩០ ភាគរយនឹងខកខានគោលដៅចាក់វ៉ាក់សាំងការពារកូវីដតាមការគ្រោងទុក

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២៤ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ