កូវីដ-១៩

អ្នកស្លាប់ដោយសារកូវីដភាគច្រើនជាមនុស្សវ័យចាស់ ហើយខ្លះមិនបានដឹងខ្លួនថាឆ្លងកូវីដ

បានផុស

៤ years មុន

នៅ

ថ្ងៃពុធ ២១ កក្កដា ២០២១

ដោយ

ក្រសួងសុខាភិបាល កំពុងសិក្សាឱ្យបានច្បាស់លាស់ អំពីអត្តសញ្ញាណអ្នកស្លាប់ដោយសារជំងឺកូវីដ១៩ នៅទូទាំងប្រទេស ខណៈដែលការស្លាប់ បានកើតឡើងរៀងរាល់ថ្ងៃក្នុងចន្លោះពី ២០ ទៅ៣០ នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល បានថ្លែងថា អ្នកស្លាប់មួយចំនួនធំ គឺជាមនុស្សដែលមានវ័យចំណាស់ ហើយប្រសិនបើពួកគាត់រស់នៅតាមជនបទ ភាគច្រើនគឺគាត់មិនដឹងថាខ្លួនថាឆ្លងកូវីដនោះឡើយ ដោយគ្រាន់តែគិតថា ជាជំងឺផ្ដាយសាយធម្មតា ហើយថា ខ្លួននៅតែផ្ទះមិនបានដើរទៅណា។

លោកស្រី ឱ វណ្ណឌីន អះអាងថា ចំណុចនេះហើយ ដែលធ្វើឱ្យពួកគាត់យល់ខុស មិនទៅស្វែងរកសេវាព្យាបាល ឬធ្វើតេស្តឱ្យបានទាន់ពេលវេលា ទុកទាល់តែដល់ដំណាក់កាលធ្ងន់ធ្ងរបានទៅពេទ្យ។

របាយការណ៍របស់ក្រសួងសុខាភិបាល គិតត្រឹមថ្ងៃទី ២០ ខែកក្កដា ឆ្នាំ ២០២១ មានករណីស្លាប់ដោយសារជំងឺកូវីដ១៩ ចំនួន ១ ១៤៩ នាក់ អ្នកឆ្លង ៦៨ ៧៩៧ និងជាសះស្បើយ ៦១ ០៣៩ នាក់៕

ដោយៈ ឡេង ដេត