កូវីដ-១៩

គិតត្រឹមថ្ងៃទី២៥នេះ ពលរដ្ឋខេត្តកំពង់ចាម ទទួលវ៉ាក់សាំងបាន៤៥ម៉ឺននាក់ជាងហើយ

បានផុស

៤ years មុន

នៅ

ថ្ងៃអាទិត្យ ២៥ កក្កដា ២០២១

ដោយ

យោងតាមរបាយការណ៍នៃមន្ទីរសុខាភិបាលខេត្តកំពង់ចាម ការចាក់វ៉ាក់សាំងបង្ការការពារជំងឺកូវីដ-១៩ គិតត្រឹម ថ្ងៃទី២៥ ខែកក្កដានេះ បានចំនួនពលរដ្ឋបាន៤៥១.៧៩៣នាក់ ក្នុងក្របខណ្ឌភូមិសាស្ត្រខេត្តកំពង់ចាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រជាពលរដ្ឋដែលរកឃើញមានវិជ្ជមានកូវីដ-១៩ មានចំនួនសរុប៣៥៥៧នាក់ ហើយមានករណីជាសះស្បើយចំនួន២៦៥៦នាក់ និងកំពុងសម្រាប់ព្យាបាលជំងឺនៅមន្ទីរពេទ្យមេគង្គកំពង់ចាម មានចំនួនសរុប៨២៦នាក់ ហើយករណីអ្នកស្លាប់ដោយសារជំងឺកូវីដ-១៩ចំនួន៧៥នាក់។

ដោយឡែក អាជ្ញាធរខេត្តកំពង់ចាម នៅបន្តអំពាវនាវ ដល់មន្ត្រី គ្រប់លំដាប់ថ្នាក់ ត្រូវបន្តផ្សព្វផ្សាយដល់ពលរដ្ឋទាំងអស់ឲ្យបង្កើនការប្រុងប្រយ័ត្ន និងចេះអនាម័យ បើទោះបីចាក់វ៉ាក់សាំងបង្ការជំងឺកូវីដ១៩រួចក៍ដោយ សូមបន្តអនុវត្តឱ្យបានម៉ឺងម៉ាត់នូវវិធានការសុខាភិបាល «៣ការពារ និង ៣កុំ» ជាពិសេស ការអនុវត្តន៍កាតព្វកិច្ចពាក់ម៉ាស់ ការលាងសម្អាតដៃជាមួយសាប៊ូ អាល់កុល ឬជែលឲ្យបានញឹកញាប់ និងកាតព្វកិច្ចរក្សាគម្លាតសុវត្ថិភាពបុគ្គល ស្របតាមសេចក្តីជូនដំណឹងរបស់ក្រសួងសុខាភិបាល ក្នុងអំឡុងពេល នៃការឆ្លងរាលដាល នៃវីរុសកូវីដ ១៩ បម្លែងថ្មី កុំឲ្យឆ្លងរីករាលដាលចូលក្នុងសហគមន៍យើង៕

អត្ថបទ៖ ម៉េងហៀ