កូវីដ-១៩

សោកស្តាយ ! សាស្ត្រាចារ្យរូបវិទ្យា នៅសាកលវិទ្យាល័យភូមិន្ទភ្នំពេញមួយរូបស្លាប់ ដោយសារជំងឺកូវីដ១៩

បានផុស

៤ years មុន

នៅ

ថ្ងៃចន្ទ ២៦ កក្កដា ២០២១

ដោយ

សាស្ត្រាចារ្យរូបវិទ្យា មួយរូបឈ្មោះ ព្រីង សុខន បង្រៀននៅសាលកវិទ្យាល័យភូមិន្ទភ្នំពេញបានស្លាប់ដោយសារជំងឺកូវីដ១៩ នៅឯផ្ទះរបស់លោកផ្ទាល់តែម្តងស្ថិតនៅផ្ទះលេខ ៥១E១ ច្រកផ្លូវលេខ១៩២ ភូមិ៤ សង្កាត់ទឹកល្អក់ទី៣ ខណ្ឌទួលគោករាជធានីភ្នំពេញ នាថ្ងៃទី២៦ ខែកក្កដា ឆ្នាំ២០២១។ ក្រុមគ្រូពេទ្យបានវេចខ្ចប់សាកសពលោកសាស្ត្រាចារ្យដាក់លើឡាន យកទៅបូជានៅថ្ងៃនេះ។ នេះបើតាមទំព័រហ្វេសបុកផ្លូវការសាលាសង្កាត់ទឹកល្អក់ទី៣ និងបានចូលរួមរំលែកទុក្ខយ៉ាងក្រៀមក្រំចំពោះក្រុមគ្រួសារសព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ជេត ជាលី សាកលវិទ្យាធិការ នៃសាកលវិទ្យាល័យភូមិន្ទភ្នំពេញតាមរយៈបណ្តាញសង្គមហ្វេសបុកលោកនៅប៉ុន្មានម៉ោងមុននេះបានសរសេរថា សាកលវិទ្យាល័យភូមិន្ទភ្នំពេញទាំងមូលមានទុក្ខដ៏ក្រៀមក្រំចំពោះការបាត់បង់លោកសាស្ត្រាចារ្យ ព្រីង សុខន។ នេះជាការបាត់បង់នូវធនធានមនុស្សមួយរបស់យើង និងសូមវិញ្ញានខ័ន្ធរបស់លោកសាស្ត្រាចារ្យបានទៅកាន់សុគតិភព។

យើងទាំងអស់គ្នាជាក្រុមគ្រួសារនៃសាកលវិទ្យាល័យភូមិន្ទភ្នំពេញ នឹងចងចាំនូវរាល់គុណបំណាច់និងការលះបង់របស់លោកសាស្ត្រាចារ្យក្នុងកិច្ចការបម្រើប្រទេសជាតិជាពិសេសការបង្រៀនប្អូនៗនិស្សិតយើង។ ដោយក្តីគោរព និងដឹងគុណពីគ្រួសារភូមិន្ទភ្នំពេញយើង៕