កូវីដ-១៩

ប្រជាពលរដ្ឋ៦នាក់ ដែលឆ្លងទឹកអូរពីប្រទេសថៃមកខ្មែរ ត្រូវប៉ុស្តិ៍ក្បាលស្ពាននៃវរៈសេនាតូចលេខ៨៩១ឃាត់ខ្លួនយកទៅចត្តាឡីស័ក

បានផុស

៤ years មុន

នៅ

ថ្ងៃព្រហស្បតិ៍ ២៩ កក្កដា ២០២១

ដោយ

បន្ទាយមានជ័យ ៖ ប្រជាពលរដ្ឋខ្មែរចំនួន៦នាក់ បានឆ្លងដែនហែលទឹកកាត់អូរព្រំដែនចេញពីប្រទេសថៃចូលមកខ្មែរវិញ ត្រង់ចំណុចគោលដៅរោងម៉ាស៊ីនដីក្រុមហ៊ុនក្រេនដាយម៉ន ស្ថិតក្នុងភូមិអូរជ្រៅ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ត្រូវកម្លាំងប៉ុស្តិ៍នគរបាលការពារព្រំដែនគោកប៉ុស្តិ៍ក្បាលស្ពាននៃវរសេនាតូចលេខ៨៩១ ឃាត់ខ្លួនបាននៅវេលាម៉ោង៤និង២០នាទីទៀបភ្លឺ ថ្ងៃទី២៩ ខែកក្កដា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ត្រី សែម សាមឿន នាយប៉ុស្តិ៍នគរបាលការពារព្រំដែនគោកប៉ុស្តិ៍ បានឲ្យដឹងថាប្រជាពលរដ្ឋទាំង៦នាក់ដែលឃាត់ខ្លួន ១មានឈ្មោះហុង សារ៉ន ភេទប្រុស អាយុ៣៧ឆ្នាំ ២មានឈ្មោះម៉ៅ រិទ្ធី ភេទប្រុស អាយុ៣៤ឆ្នាំ ៣មានឈ្មោះអ៊ី រស្មី ភេទប្រុស អាយុ៣២ឆ្នាំ ៤ឈ្មោះហុង ស្រីរៀម ភេទស្រី អាយុ៣០ឆ្នាំ ៥មានឈ្មោះហុង យូអ៊ីន ភេទស្រី អាយុ៨ឆ្នាំ ៦មានឈ្មោះអ៊ំ គីមអ៊ី ភេទស្រី អាយុ១.៥ឆ្នាំ អ្នកទាំងអស់គឺជាអាវជីករលក់ដូរនៅផ្សាររោងក្លឿរប្រទេសថៃ ដែលមានទីលំនៅ រស់នៅភូមិក្បាលស្ពាន២ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។

លោកវរសេនីយ៍ត្រី សែម សាមឿនបានបញ្ជាក់ឲ្យដឹងបន្តទៀតថា ប្រជាពលរដ្ឋទាំង៦នាក់នោះបាន ប្រគល់ទៅឲ្យ លោកគាត ហ៊ុល អភិបាលក្រុងប៉ោយប៉ែតដើម្បីដឹកយកទៅធ្វើតេស្តរកមេរោគកូវីត.១៩ នៅចំណុចសំចត ( CQ2 ) នៃសាលាវិទ្យាល័យនិមិត្ត ស្ថិតក្នុងភូមិនិមិត្ត សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ៕

ដោយ ៖ វ៉ាន់ ណាង