កូវីដ-១៩

អាជ្ញាធរខេត្តបាត់ដំបង ត្រៀមបិទខ្ទប់បណ្តោះអាសន្ន សង្កាត់ចំនួន៣ ដើម្បីទប់ការឆ្លងកូវីដ១៩

បានផុស

៤ years មុន

នៅ

ថ្ងៃសៅរ៍ ៣១ កក្កដា ២០២១

ដោយ

បន្ទាប់ពីបានប្រជុំគណៈបញ្ជាការកងឯកភាពខេត្ត ស្តីពីការងារពង្រឹងនិងទប់ស្កាត់ការរីករាលដាលនូវជំងឺកូវីដ-១៩រួចមក នៅរសៀលថ្ងៃទី៣០ ខែកក្កដា ឆ្នាំ២០២១ ឯកឧត្តម ងួន រតន: អភិបាលខេត្តបាត់ដំបង លោក ផេង សិទ្ធី អភិបាលក្រុង រួម នឹងក្រុមការងារមួយចំនួនបានចុះសិក្សានិងផ្តោតទៅលើទីតាំងមួយចំនួនដែលត្រូវកំណត់ធ្វើការបិទខ្ទប់ជាបណ្តោះអាសន្នដោយសារតែសន្ទុះនៃជំងឺនេះមានការកើនឡើងឥតស្រាកស្រាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គោលដៅមួយចំនួន ដែលសំខាន់បំផុត ក្នុងការបិទខ្ទប់គឺស្ថិតនៅក្នុងសង្កាត់ចំនួន៣ ក្នុងនោះគឺសង្កាត់ទួលតាឯក សង្កាត់អូរចារ និងសង្កាត់ចំការសំរោង ។

នៅក្នុងកិច្ចប្រជុំបានសង្កត់ធ្ងន់ថា នៅតាមបណ្តាស្រុកទាំងអស់ក៏ត្រូវពិនិត្យនិងសិក្សាឱ្យបានច្បាស់លាស់មុននឹងសុំការអនុញ្ញាតធ្វើការបិទខ្ទប់ ជៀសវាងធ្វើឱ្យប៉ះពាល់ដល់ជីវភាពរស់នៅរបស់ប្រជាពលរដ្ឋ ៕

ដោយ: សោ និយមរ័ត្ន