ខេត្តឧត្ដរមានជ័យប្រកាសរកឃើញ​ករណីឆ្លងកូវីដ-១៩ ​ចំនួន ៥៨ករណីបន្ថែមទៀត

រដ្ឋបាលខេត្តឧត្តរមានជ័យ បានរកឃើញករណីវិជ្ជមានជំងឺកូវីដដ១៩ ចំនួន ៥៨ នាក់ទៀត ធ្វើឱ្យចំនួនអ្នកឆ្លងនៅខេត្តជាប់ព្រំដែនថៃមួយនេះ កើនឡើងដល់ជិត ៥ ពាន់នាក់ ( ៤.៨០៥ ) ដែលសុទ្ធសឹងតែជាករណីនាំចូលពីក្រៅប្រទេស។

អាជ្ញាធរបន្តអំពាវនាវ ដល់បងប្អូនប្រជាពលរដ្ឋបង្កើនការយកចិត្តទុកដាក់ អនុវត្តវិធានការ ៣ ការពារ និង៣កុំ ដើម្បីការពារខ្លួនពីការឆ្លងជំងឺកូវីដ១៩។

គិតត្រឹមថ្ងៃទី៣១ ខែកក្កដា ខេត្តឧត្តរមានជ័យ រកឃើញអ្នកវិជ្ជមានជំងឺកូវីដ១៩ ចំនួន៤.៨០៥ករណី ក្នុងនោះករណីនាំចូលពីក្រៅប្រទេសចំនួន៤.៤៤៥ និងករណីឆ្លងក្នុងសហគមន៍ ២០កុម្ភៈ ចំនួន៣៦០ករណីនិងបានព្យាបាលជាសះស្បើយចំនួន៨៩៦នាក់ កំពុងសម្រាកព្យាបាលចំនួន៣.៩០១នាក់និងស្លាប់ចំនួន ០៨នាក់៕ ដោយ៖ចាន់ ធី