ស្លាប់ ១៣៣នាក់និងឆ្លង ១៨,០២៧ករណីទៀត នៅ ថៃ

ក្រសួងសុខាភិបាលថៃ បានរាយការណ៍នៅព្រឹកថ្ងៃអាទិត្យនេះថា ក្នុងរយៈពេល២៤ម៉ោងចុងក្រោយ ប្រទេសថៃ មានអ្នកឆ្លងជំងឺកូវីដ-១៩ ចំនួន ១៨,០២៧ករណី និងស្លាប់ ១៣៣នាក់។

ក្នុងចំណោមការឆ្លងថ្មី មាន ១៧,៦៥៣ករណីជាប្រជាជនទូទៅនិង ៣៧៤ ករណីជាអ្នកទោសក្នុងពន្ធនាគារ។

ចាប់តាំងពីថ្ងៃទី១ខែមេសាមក នៅពេលកូវីដរលកទី៣ផ្ទុះឡើង មានអ្នកជំងឺកូវីដចំនួន ៥៨៦,៤៥១ នាក់ ក្នុងនោះមាន ៣៧៧,៨៩៦នាក់បានជាសះស្បើយ។

ចាប់តាំងពីជំងឺរាតត្បាតផ្ទុះឡើងកាលពីដើមឆ្នាំមុនមក មានការឆ្លងសរុប ៦១៥,៣១៤ករណី ក្នុងនោះមាន ៤០៥,៣២២ នាក់ បានជាសះស្បើយ។

ចំណែកចំនួនអ្នកស្លាប់ក្នុងរលកទី៣គឺមាន ៤,៨៩៦ នាក់ ធ្វើឲ្យការស្លាប់សរុបចាប់តាំងពីរោគរាតត្បាតផ្ទុះឡើងកាលពីដើមឆ្នាំមុនមក កើនដល់ ៤,៩៩០នាក់។

ប្រែសម្រួល៖ Vann Vann

ប្រភព៖ Bangkok Post

ចុចអាន៖ ថៃ ហក់ឡើងយ៉ាងគំហុក នៃករណីឆ្លងនិងស្លាប់ប្រចាំថ្ងៃ ឈានដល់កម្រិតខ្ពស់ ក្នុងពេល ២៤ ម៉ោង