រៀបចំសណ្ដាប់ធ្នាប់លក់ដូរ​ក្នុងផ្សារចល័ត​បណ្ដោះអាសន្ន​ក្នុងពេលបិទខ្ទប់​ផ្សាររមាស

អាជ្ញាធរស្រុកទឹកផុស ខេត្តកំពង់ឆ្នាំងបានចុះរៀបចំសណ្ដាប់ធ្នាប់ការលក់ដូរ បន្ថែ ត្រី សាច់និងគ្រឿងឧប​ភោគបរិភោគបណ្ដោះអាសន្នក្នុងផ្សារចល័តមួយកន្លែងក្នុងពេលដែលបិទខ្ទប់ផ្សាររមាស ដោយសារជំងឺ​កូវីដ១៩។

អភិបាលរងស្រុកទឹកផុសលោក សុខ សុន្ធី នៅថ្ងៃទី ១ ខែសីហា បានដឹកនាំក្រុមការងារចម្រុះចុះពិនិត្យស្ថាន​ភាពនៃការរៀបចំលក់ដូរ បណ្តោះ អាសន្នក្នុងផ្សារចល័តក្នុងដំណាក់កាលបិទខ្ទប់ផ្សាររមាសក្រោយពីបានរកឃើញអាជីវករវិជ្ជមានកូវីដ១៩។

លោក សុខ សុន្ធី បានឱ្យដឹងថា បងប្អូនអាជីវការមានការសហការបានល្អ មានរបៀបរៀបរយ អនាម័យ។ប៉ុន្តែ នៅមា នចំណុចខ្វះខាតតិចតួចដែលត្រូវកែលម្អគឺអាជីវករមកពីក្រៅខេត្ត និងក្រៅស្រុកត្រូវបានហាមឃាត់មិនឱ្យចូលលក់ដូរឡើយ ក្រៅពីអាជីវករលក់ត្រី។

រដ្ឋបាលស្រុកបញ្ជាក់ថា បងប្អូនអាជីវករទាំងអស់សុទ្ធសឹងតែបាទធ្វើតេស្តរហ័សយកសំណាកដើម្បីរកមុខសញ្ញាវិជ្ជមានកូវីដ១៩ ដោយរដ្ឋបាលស្រុករួចហើយ ទើបអនុញ្ញាតឲ្យមកលក់ដូរនៅក្នុងផ្សារចល័តនេះ។

ចំណែកឯផ្សារចល័តនេះអនុញ្ញាតឱ្យលក់ដូរចាប់ពីម៉ោង ៤ព្រឹកដល់ម៉ោង១២ថ្ងៃ ត្រង់ត្រូវរុះរើចេញ​ដោយ​មិនឱ្យមានសេសសល់ឡើយ ដើម្បីទុកក្រុមការងារធ្វើអនាម័យមានឡានទឹករបស់អធិការដ្ឋាននគរបាលស្រុក​មកធ្វើសកម្មភាពបាញ់ទឹកសម្អាតរៀងរាល់ថ្ងៃ៕

ដោយៈ ឈៀងថារិទ្ធ