កំណត់ត្រាអាក្រក់បំផុត! វៀតណាម រកឃើញអ្នកឆ្លងកូវីដថ្មី​ ខ្ពស់មិនធ្លាប់មាន

ក្រសួងសុខាភិបាលវៀតណាម បានបញ្ជាក់ពីការឆ្លងជំងឺកូវីដ-១៩ ថ្មីចំនួន ៩,៦៨៤ ករណីកាលពីថ្ងៃអាទិត្យ ដែលជាចំនួនប្រចាំថ្ងៃខ្ពស់បំផុតមិនធ្លាប់មាន។

ទីក្រុងហូជីមិញ ដែលជាចំណុចកណ្តាលនៃរលកចុងក្រោយ បានបន្តនាំមុខគេ ចំពោះករណីប្រចាំថ្ងៃដោយមាន ៣,៨៩៨ ករណី បន្ទាប់មកគឺ Binh Duong ៣,២១០ករណី, Long An ៧២៤ករណី និង Dong Nai ៦១៤ករណី។

ស្របពេលជាមួយគ្នានោះ ទីក្រុងហាណូយ បានកត់ត្រាករណីថ្មីចំនួន ១១៤ និង ដាណាំង ១៣០ ករណី។

តួលេខថ្ងៃអាទិត្យ គឺជាចំនួនប្រចាំថ្ងៃខ្ពស់បំផុតមិនធ្លាប់មាននៅក្នុងប្រទេសវៀតណាម បន្ទាប់ពីកំណត់ត្រាចាស់ ៩,២២៥ ករណីកាលពីថ្ងៃទី ២៤ ខែកក្កដា។

ជាមួយនឹងការជាសះស្បើយចំនួន ៤,៨៦០ នាក់កាលពីថ្ងៃអាទិត្យ ធ្វើឲ្យចំនួនសរុបនៃការជាសះស្បើយចាប់តាំងពីផ្ទុះជំងឺរាតត្បាត បានកើនឡើងដល់ ៧១,៤៩៧ នាក់។

គួរបញ្ជាក់ថា ប្រទេស វៀតណាម មានការឆ្លងកូវីដសរុប ២១០,៤០៥ករណី និងស្លាប់ ៣,៣៩៧នាក់៕

ប្រែសម្រួល៖ Vann Vann

ប្រភព៖ VN Express

ចុចអាន៖ នេះ​ចំនួន​​​ប្រាក់​ដែល​ទី​ក្រុង​ហូជីមិញ​ផ្តល់​ឲ្យ​ពិធីបុណ្យ​សព​កូវីដ​ម្នាក់ៗ