កូវីដ-១៩

អបអរសាទរ! ស្ត្រីវ័យ៥៦ឆ្នាំ ជាស្ត្រីលេខរៀងទី៨លាន ដែលបានចាក់វ៉ាក់សាំងការពារកូវីដ-១៩ នឹងទទួលបាន១០លានរៀល

បានផុស

៤ years មុន

នៅ

ថ្ងៃអង្គារ ១០ សីហា ២០២១

ដោយ

ភ្នំពេញ ៖ ស្ត្រីវ័យ៥៦ឆ្នាំ ដែលជាស្ត្រីលេខរៀងទី៨លាន បានចាក់វ៉ាក់សាំងការពារកូវីដ-១៩ ដូសទី១ គឺស្មើនឹង៨០ភាគរយ នៃប្រជាពលរដ្ឋ១០លាននាក់ ដែលត្រូវបានចាក់វ៉ាក់សាំងដោយមិនទាន់គិតពីកុមារនិងយុវវ័យ នេះបើតាមផេកផ្លូវការរបស់សម្តេចតេជោបានបញ្ជាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងផេកសម្តេចបានឲ្យដឹងថា “នៅថ្ងៃ១០សីហា២០២១នេះ កម្ពុជាយើងបានចាក់វ៉ាក់សាំងការពារកូវីដ-១៩ ដូសទី១បាន៨លាននាក់រួចហើយ គឺស្មើនឹង៨០% នៃប្រជាពលរដ្ឋ១០លាននាក់ ដែលត្រូវចាក់វ៉ាក់សាំងដោយមិនទាន់គិតពីកុមារនិងយុវវ័យដែលបាននឹងកំពុងចាក់ព្រមទាំងបងប្អូនដែលបាននិងកំពុងចាក់ដូសទី៣។

ដំណើរឆ្ពោះទៅរក១០លាននាក់នៅមិនឆ្ងាយពីយើងនោះទេ ដែលធ្វើឲ្យយើងសម្រេចការងារមុនការកំណត់៧ទៅ៨ខែប្រៀបជាមួយផែនការដើមរបស់យើង។ លេខរៀងទី៨លានគឺបានទៅលើប្អូនស្រីឈ្មោះ ថឹង ថា អាយុ៥៦ឆ្នាំជនជាតិខ្មែរឡាវ រស់នៅភូមិដនឡុង ឃុំសេកុង ស្រុកសៀមប៉ាង ខេត្តស្ទឹងត្រែង។ ខ្ញុំសូមអបអរសាទរចំពោះជ័យលាភីទី៨លានដែលបានចាក់វ៉ាក់សាំងJohnson&Johnsonដែលជាជំនួយរបស់សហរដ្ឋអាមេរិក។ លោកជំទាវ ឱ វណ្ណឌីន នឹងនាំយកជំនួយថវិកា១០លានរៀលព្រមទាំងសម្ភារៈផ្សេងៗទៀតទៅប្រគល់ជូនដោយផ្ទាល់”។

ក្នុងផេកសម្តេចក៏បានបន្តទៀតថា “ខ្ញុំសូមជូនពរបងប្អូនជនរួមជាតិសូមជួបតែសេចក្តីសុខសេចក្តីចម្រើននិងចៀសផុតពីជំងឺកូវីដ-១៩ដោយខិតខំការពារខ្លួនតាមរយៈវិធានការ(៣ការពារនិង៣កុំ)”៕

កែសម្រួលដោយ ៖ នាគព័ន្ធ

ប្រភព ៖ ផេកសម្តេចតេជោ