រដ្ឋបាល​ខេត្ត​រតនគិរី​បាន​បង្ហាញ​អត្តសញ្ញាណ​អ្នក​ឆ្លង​ជំងឺ​កូ​វីដ​១៩​ថ្មី​ចំនួន​៨​នាក់

រតនគិរី ៖ រដ្ឋបាល​ខេត្ត​រតនគិរី​ចេញ​សេចក្តី​ប្រកាស​ព័ត៌មាន​ពី​ការរ​ក​ឃើញ​អ្នក​ឆ្លង​ជំងឺ​កូ​វីដ​១៩​ចំនួន​៨​នាក់​បន្ថែម​ទៀត សម្រាប់​ថ្ងៃទី​១៣ ខែសីហា ឆ្នាំ​២០២១​នៅក្នុង​ខេត្តរតនគិរី​។

ក្រុមការងារ​ឆ្លើយតប​បន្ទាន់​មន្ទីរ​សុខាភិបាល​នៃ​រដ្ឋបាល​ខេត្តរតនគិរី បាន​បន្ត​ស្រាវជ្រាវ​ធ្វើតេស្ត​រហ័ស​(Rapid Test)​លើ​មនុស្ស​ចំនួន​៣៧៨​នាក់ រក​ឃើញ​វិជ្ជា​មាន​ជំងឺ​កូ​វីដ​១៩​ចំនួន​៨​នាក់​។

រដ្ឋបាល​ខេត្ត​រតនគិរី​សូម​អំពាវនាវ​ដល់​បង​ប្អូន​ប្រជាពលរដ្ឋ​និង​សាធារណជន​ទាំងអស់​ដែល​ធ្លាប់បាន​ពាក់ព័ន្ធ​ដោយ​ផ្ទាល់​និង​ប្រយោល​ជាមួយ​អ្នក​វិជ្ជមាន​ដែល​បាន​រក​ឃើញ​កន្លងមក សូម​ស្ម័គ្រចិត្ត​ស្ម័គ្រចិត្ត​ចិត្ត​ធ្វើតេស្ត​សំណាក ឬ​ដាក់ខ្លួន​នៅ​ដោយឡែក​ពី​អ្នកដទៃ ក្នុងករណី​មានការ​សង្ស័យ ឬ​មាន​អាការៈ ក្អក ផ្តាសាយ ហៀរ​សំបោរ និង​ក្តៅខ្លួន សូម​រាយការណ៍​ទៅកាន់​អាជ្ញា​ធរមាន​សមត្ថកិច្ច​នៅក្នុង​មូលដ្ឋាន ឬ​ទំនាក់ទំនង​ទូរ​សព្ទ​លេខ​: 097.595 7788/ 092.121 383/ 097.775 1212៕

ដោយ ៖ វុ​ទ្ធ​ឦសាន