កូវីដ-១៩

ទីតាំងលក់គុយទាវ១កន្លែងផ្ទុះកូវីដ-១៩ អាជ្ញាធរខេត្តបញ្ជាឲ្យបិទផ្សារចក្រី បណ្តោះអាសន្នដើម្បីយកសំណាកអាជីវករ

បានផុស

៣ years មុន

នៅ

ថ្ងៃអង្គារ ២៤ សីហា ២០២១

ដោយ

បន្ទាយមានជ័យ ៖ ទីតាំងលក់គុយទាវ១កន្លែង លក់ក្នុងផ្សារចក្រី អាជ្ញាធរខេត្តបន្ទាយមានជ័យ បញ្ជាឲ្យបិទផ្សារចក្រីបណ្តោះអាសន្នដើម្បីយកសំណាក អាជីវករ រួមទាំងអ្នកពាក់ព័ន្ធ ទៅធ្វើតេស្តរហ័សនៅព្រឹក ថ្ងៃទី២៤ ខែ សីហា ឆ្នាំ ២០២១ ស្ថិតក្នុងភូមិចក្រី ឃុំ ជប់ វ៉ា រី ស្រុកព្រះនេត្រព្រះ ខេត្តបន្ទាយមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបិទផ្សារនិងការយកសំណាកអាជីវករដោយមានការចូលរួម លោកអ៊ុំ រាត្រី អភិបាលខេត្តបន្ទាយមានជ័យ លោក ឃូ ពៅ អភិបាលស្រុក ព្រះនេត្រព្រះ មេបញ្ជាការកងរាជអាវុធហត្ថស្រុក អធិការនគរបាលស្រុក មន្ត្រីពាក់ព័ន្ធ និងក្រុមគ្រូពេទ្យជាច្រើននាក់។ លោក អ៊ុំ រាត្រីបាន ប្រាប់អ្នកយកព័ត៌មានឲ្យដឹងថា ក្រោយពីទីតាំងលក់ គុយទាវ១កន្លែង ឈ្មោះ ព្រំ ពិសីមានជំងឺកូវីដ-១៩។

លោកបានបញ្ជាឲ្យអភិបាលស្រុកដឹកនាំ ក្រុមការងារ សុខាភិបាល ស្រុក ឃុំ យុវជន ប៉ូលិស ប៉ុស្តិ៍ ចុះយកសំណាក អាជីវករក្នុងផ្សារចក្រី ចំនួន១២៥នាក់ និង អ្នកពាក់ព័ន្ធធ្វើតេស្តរហ័សនិង ធ្វើការហ៊ុមព័ទ្ធ ផ្សារបិទមិនឲ្យអាជីវករលក់ដូរបណ្តោះអាសន្នសិន និង ជូនដំណឹងឲ្យអាជីវករចូលលក់ដូរសាជាថ្មី។

លោកអ៊ុំ រាត្រី បានបញ្ជាក់ឲ្យដឹងបន្តទៀតថា អាជីវករ ក្នុងផ្សារចក្រី ចំនួន ១២៥ នាក់សុទ្ធតែអវិជ្ជមានទាំងអស់ផ្សារចក្រី ត្រូវបានបិទខ្ទប់ដែលជាទីតាំងមានការពាក់ព័ន្ធនឹងការឆ្លងរាលដាលនៃជំងឺ covid 19ចំនួន១នាក់ ក្នុងព្រឹត្តិការណ៍សហគមន៍២០កុម្ភៈឆ្នាំ ២០២១ជាបណ្ដោះអាសន្នសិនសម្រាប់រយៈពេលពេញមួយសប្តាហ៍គិតចាប់ពីថ្ងៃទី២៤ ខែសីហា ឆ្នាំ២០២១ រហូតដល់ថ្ងៃទី ៣០ ខែសីហាឆ្នាំ ២០២១ ក្នុងគោលបំណងទំនងធានាដល់ប្រសិទ្ធភាពនៃការគ្រប់គ្រងការឆ្លងរីករាលដាលនៃជំងឺកូវីដ.19 និងព្រឹត្តិការណ៍សហគមន៍២០កុម្ភៈ ២០២១ នៅក្នុងភូមិសាស្ត្រដែលត្រូវបិទនិងទប់ស្កាត់ជំងឺនេះមិនឲ្យឆ្លងរីករាលដាលកាន់តំបន់ផ្សេងទៀត។

ក្នុងនោះអាជ្ញាធរបានអំពាវនាវ ដល់បងប្អូន អាជីវករ និង អ្នកមានពាក់ព័ន្ធ ធ្វើការទំនាក់ទំនង អាជ្ញាធរ និង ជំនាញសុខាភិបាល ដើម្បីបន្តចុះឈ្មោះយកសំណាក នៅផ្សារចក្រី ឃុំជប់វារី តែម្តង៕

ដោយ ៖ វ៉ាន់ ណាង