កូវីដ-១៩

ក្រុមគ្រូពេទ្យចុះយកសំណាកប្រជាពលរដ្ឋស្នាក់នៅបន្ទប់ជួលភូមិត្រពាំងថ្លឹង៣ រកឃើញវិជ្ជមានកូវីដ១៩ចំនួន៧នាក់ក្នុងចំណោម២៩៧នាក់

បានផុស

៣ years មុន

នៅ

ថ្ងៃសៅរ៍ ២៨ សីហា ២០២១

ដោយ

ភ្នំពេញ ៖ ក្រុមគ្រូពេទ្យស្ម័គ្រចិត្តរបស់សម្តេចតេជោ ហ៊ុនសែន បានចុះយកសំណាកបងប្អូនប្រជាពលរដ្ឋដែលស្នាក់នៅបន្ទប់ជួល ក្នុងភូមិត្រពាំងថ្លឹង៣ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ ជាលទ្ធផលរកឃើញ វិជ្ជមានចំនួន៧នាក់ក្នុងចំណោមមនុស្សចំនួន២៩៧នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកកង វង ចៅសង្កាត់ចោមចៅទី១ បានឲ្យដឹងថា ដោយសារតែបងប្អូនប្រជាពលរដ្ឋដែលរស់នៅបន្ទប់ជួលខាងលើ មានបងប្អូនមួយចំនួនបានប៉ះពាល់ជាមួយអ្នកមានវិជ្ជមានជំងឺកូវីដ១៩ ទើបនៅថ្ងៃទី២៨ ខែសីហា ឆ្នាំ២០២១នេះ ក្រុមគ្រូពេទ្យជំនាញបានចុះមកយកសំណាកមនុស្សចំនួន២៩៧នាក់ ជាលទ្ធផលរកឃើញ អ្នកវិជ្ជមានចំនួន៧នាក់ ស្រី៤នាក់ ក្នុងនោះមានក្មេងប្រុសអាយុ១២ឆ្នាំម្នាក់។

ក្រោយពីរកឃើញវិជ្ជមានអ្នកជំងឺត្រូវបានក្រុមគ្រូពេទ្យយកទៅព្យាបាលបន្ត ចំពោះទីតាំងខាងលើអាជ្ញាធរមិនទាន់សម្រេចបិទផ្ទប់ ឬ យ៉ាងណានោះទេរង់ចាំគោលការណ៍ថ្នាក់លើបន្ត៕

ដោយ ៖ សុខា