កូវីដ-១៩

បិទខ្ទប់ផ្សារកំរៀង ដោយតេស្តលើអាជីវករផ្សារ K R D ក្នុងស្រុកកំរៀង រកឃើញវិជ្ជមាន ២១២ នាក់

បានផុស

៣ years មុន

នៅ

ថ្ងៃព្រហស្បតិ៍ ៩ កញ្ញា ២០២១

ដោយ

បាត់ដំបង ៖ ផ្សារស្រុកកំរៀង ដែលស្ថិតនៅក្បែច្រកអន្តរជាតិដូង ត្រូវបានចាត់ទុកជាតំបន់ក្រហម ដោយអាជ្ញាធរស្រុកចុះបិទភ្លាមៗ បន្ទាប់ពីបានធ្វើតេស្តលើក្រុមអាជីវករ និងបានរកឃើញវិជ្ជមានជាង២០០នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្តីជូនដំណឹងរបស់រដ្ឋបាលស្រុកកំរៀងបានបញ្ជាក់ថា រយៈពេល២ថ្ងៃ គឺថ្ងៃទី៨ និងទី៩ ខែកញ្ញា ឆ្នាំ២០២១ នេះ ក្រុមគ្រូពេទ្យបានចុះយកសំណាកលើអាជីវករ និងអ្នកនៅក្នុងផ្សារ K R D ដែលស្ថិតក្នុងភូមិអូរដារលើ ឃុំបឹងរាំង និងបានរកឃើញអ្នកផ្ទុកជំងឺកូវីដ-១៩ សរុបចំនួន ២១២ នាក់ ក្នុងនោះស្រី ១១៧ នាក់។

បន្ទាប់ពីបានរកឃើញវិជ្ជមានហួសពីការស្មានរួចមក អាជ្ញាធរស្រុកបានសម្រេចចុះបិទខ្ទប់ទីតាំងខាងលើ និងបរិវេណជុំវិញផ្សារជាបណ្តោះអាសន្ន រហូតដល់ថ្ងៃជូនដំណឹងសាជាថ្មី ព្រមទាំងបានដាក់តំបន់នេះជាតំបន់ក្រហមផងដែរ៕

អត្ថបទ ៖ សោ និយមរ័ត្ន