កូវីដ-១៩

ជំងឺកូវីដ-១៩ កំពុងវាយលុក ចូលភូមិត្រពាំងថ្មកណ្តាលស្រុកភ្នំស្រុកផ្ទុះ ទ្រង់ទ្រាយធំ លើកដំបូង នៅស្រុកដាច់ស្រយាល ភាគឦសាននេះ

បានផុស

៤ years មុន

នៅ

ថ្ងៃព្រហស្បតិ៍ ១៦ កញ្ញា ២០២១

ដោយ

បន្ទាយមានជ័យ ៖ ជំងឺកូវីដ-១៩ កំពុងវាយលុក ចូល ភូមិ ត្រពាំងថ្ម កណ្តាល ឃុំ ប៉ោយចារ ស្រុក ភ្នំស្រុក ដែលជាការផ្ទុះ ទ្រង់ទ្រាយធំ លើកដំបូងនៅស្រុក ដាច់ស្រយាលភាគឦសាន ខេត្តបន្ទាយមានជ័យ នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ជូ បុត្រ អភិបាលស្រុក ភ្នំស្រុក ប្រាប់ នា ថ្ងៃទី ១៦ ខែកញ្ញា ឆ្នាំ ២០២១ ថា ការយក សំណាកលើពលរដ្ឋ អ្នកពាក់ព័ន្ធ ក្នុងភូមិត្រពាំងថ្មកណ្តាល ឃុំប៉ោយចារ នឹង កើនដល់ជាង៥០០នាក់ ហើយព្រឹក និង រសៀលនេះ នៅបន្តយកសំណាកជាង២០០នាក់ ទៀត ក្រុមគ្រូពេទ្យ ជួរមុខនៃមន្ទីរពេទ្យបង្អែក ភ្នំស្រុកនិងមណ្ឌលសុខភាព ប៉ោយចារបានយកសំណាកលើពលរដ្ឋនៅ ភូមិត្រពាំងថ្ម កណ្តាលចំនួន៣៤២ នាក់ / ស្រី ១៨៩នាក់ ក្នុងនោះ លទ្ធផលរកឃើញវិជ្ជមានកូវីដ១៩ ចំនួន៧៥នាក់ / ស្រី ៤៦ នាក់។

លោកជូ បុត្រ បានបន្តថា ក្រោយពីលោកបានដឹកនាំ ក្រុមការងារស្រុកឃុំភូមិនិងលោកគ្រូ ពេទ្យ ជួរមុខចុះយកសំណាកប្រជាពលរដ្ឋហើយបានរាយការណ៍ ជូនលោកអភិបាលខេត្តៗ ក៏បានបញ្ជា ឲ្យបិទខ្ទប់ភូមិត្រពាំងថ្ម កណ្តាលជាបន្ទាន់នៅរសៀលថ្ងៃទី១៦ ខែកញ្ញា ឆ្នាំ២០២១នេះ។ នៅពេល រសៀលនោះដែរលោកបានធ្វើ ការប្រជុំបន្ទាន់នៅសាលាឃុំប៉ោយចារ ដើម្បីពិភាក្សាគ្នា រៀបចំវិធី បិទខ្ទប់ឲ្យមានប្រសិទ្ធភាព ដើម្បីកាត់ផ្តាច់ ការរីករាលដាល ជំងឺកូវីដ-១៩ ដល់ ភូមិដទៃទៀត។

លោកបានបញ្ជាក់ឲ្យដឹងបន្តទៀតថា អំពីប្រភពនៃការឆ្លងកូវីដ១៩ ចូលភូមិដែលមាន លំនៅឋាន ចង្អៀត ជាប់ៗគ្នាមកពី៥ប្រភព ទី ១ / ករណីឪពុកទៅលេងកូននៅ ខេត្តសៀមរាប ហើយឆ្លង មេរោគ នេះ ទី ២/ ករណី កូនរស់នៅក្រុងប៉ោយប៉ែតមកលេង ម្តាយនៅភូមិខាងលើហើយបានចម្លងគ្នា ទី៣/ ករណី បុគ្គលិក ធនាគារ អេស៊ីលីដា ម្នាក់ក្នុងចំណោម៥នាក់ មកពីស្រុក ព្រះនេត្រព្រះ បានចម្លង ទី៤/ ករណី បុគ្គលិក ទឹកកក អនាម័យ សិប្បកម្ម សេះ ហោះ ពី ខេត្តសៀមរាប ចម្លង មទី ៥/ ករណីទឹកកកសេះហោះនេះ និង ភ្ញៀវព្រមទាំងបុគ្គលិកនៅភោជនីយដ្ឋាន និង ខារ៉ាអូខេ ស្ពាន នាគ នៅស្រុកភ្នំស្រុកចម្លងផង ៕

ដោយ ៖ វ៉ាន់ ណាង