កូវីដ-១៩
ឆ្នាំនេះចំនួនអ្នកស្លាប់ដោយសារកូវីដនៅ អាមេរិក ច្រើនជាងឆ្នាំមុនទ្វេដង (មានវីដេអូ)
ដោយផ្អែកលើទិន្នន័យដែលចេញផ្សាយដោយរដ្ឋាភិបាលសហព័ន្ធ និងសាកលវិទ្យាល័យ Johns Hopkins កាសែត The Wall Street Journal បានរាយការណ៍កាលពីថ្ងៃសៅរ៍ថា ចំនួនអ្នកស្លាប់ដោយសារជំងឺកូវីដ ១៩ របស់សហរដ្ឋអាមេរិកដែលបានកត់ត្រាក្នុងឆ្នាំ ២០២១ នេះបានកើនលើសចំនួនអ្នកស្លាប់នៅឆ្នាំ ២០២០ ។

ទិន្នន័យរបស់សាកលវិទ្យាល័យ Johns Hopkins បានបង្ហាញថា ចំនួនសរុបនៃអ្នកស្លាប់ដែលត្រូវបានរាយការណ៍ទាក់ទងនឹងជំងឺនេះបានកើនឡើងដល់ ៧៧០,៨០០ នាក់កាលពីថ្ងៃសៅរ៍ ។ នេះធ្វើឲ្យចំនួនសរុបមានច្រើនជាង ២ ដងនៃការស្លាប់ដោយសារកូវីដដែលបានកត់ត្រាកាលពីឆ្នាំមុនទៅទៀត ពោលមានចំនួន ៣៨៥,៣៤៣ នាក់ប៉ុណ្ណោះ ។
ចំនួនអ្នកស្លាប់ដោយសារកូវីដនៅអាមេរិកក្នុងឆ្នាំ ២០២១ នេះបានធ្វើឲ្យគ្រូពេទ្យមួយចំនួនភ្ញាក់ផ្អើល ។ របាយការណ៍បាននិយាយថា ពួកគេបានរំពឹងថានឹងមានការចាក់វ៉ាក់សាំង និងវិធានការប្រុងប្រយ័ត្ន ដូចជាគម្លាតសង្គម និងព្រឹត្តិការណ៍សាធារណៈសំខាន់ៗ ដើម្បីទប់ស្កាត់ការរីករាលដាលនៃការឆ្លងមេរោគ និងកាត់បន្ថយករណីធ្ងន់ធ្ងរ ។

ទោះបីជាយ៉ាងណាក៏ដោយ អត្រានៃការចាក់វ៉ាក់សាំងគឺទាបជាងការរំពឹងទុក ក៏ដូចជាមិនមានវិធានការប្រុងប្រយ័ត្នដូចជាការពាក់ម៉ាសជាដើម ទើបបណ្ដាលឲ្យវីរុសបំប្លែងខ្លួន Delta ឆ្លងរីករាលដាលខ្លាំង ជាពិសេសភាគច្រើនក្នុងចំណោមអ្នកជំងឺមិនបានចាក់វ៉ាក់សាំង ។

ចំណែកកាសែត The Wall Street Journal បាននិយាយថា “ការរីករាលដាលនៃវីរុសបំប្លែងខ្លួន Delta ដែលឆ្លងខ្លាំង និងអត្រាចាក់វ៉ាក់សាំងទាបនៅក្នុងសហគមន៍មួយចំនួនគឺជាកត្តាសំខាន់ ។ ករណីឆ្លង និងការចូលសម្រាកព្យាបាលនៅមន្ទីរពេទ្យបានកើនឡើងម្តងទៀតនៅកន្លែងដូចជា រដ្ឋ New England និងតំបន់ Midwest ដោយជាមធ្យមរយៈពេល ៧ ថ្ងៃមានករណីឆ្លងថ្មីជិតដល់ ៩០,០០០ ករណីក្នុងមួយថ្ងៃ ខណៈកាលពីខែមុនមានត្រឹម ៧០,០០០ ករណី” ៕
សូមទស្សនាវីដេអូ!
ប្រែសម្រួលដោយ ៖ ជីវ័ន្ត
ប្រភព ៖ CGTN
ចុចអាន ៖ នាវា រុស្ស៊ី ដឹកប្រេង ២ លានបារ៉ែលទៅ អាមេរិក ដោយកម្រ

-
ព័ត៌មានអន្ដរជាតិ៩ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ១៩ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?