ជីវិតកម្សាន្ដ

តារាកំប្លែង សំ ប៉ូលីដា កំពុងដេកឱបជំងឺច្រើនមុខ

បានផុស

៤ years មុន

នៅ

ថ្ងៃពុធ ២១ មេសា ២០២១

ដោយ

តារាចម្រៀង និងកំប្លែងអ្នកនាង សំ ប៉ូលីដា អំឡុងពេលមួយរយៈចុងក្រោយនេះ នាងបានបាត់មុខស្ទើរតែទាំងស្រុងពីអាជីពសិល្ប: ខណ:កន្លងមកមានដំណឹងនៃការធ្លាក់ខ្លួនឈឺ និងជួបការលំបាកផងដែរ។

ការបាត់វត្តមានរបស់ សំ ប៉ូលីដា ពីវិស័យសិល្ប:សឹងតែធ្វើឲ្យមហាជនភ្លេចមុខនាងទៅហើយដោយហេតុថា ស្មានតែនាងឈប់ពីអាជីពសិល្ប:ហើយស្រវ៉ាមុខជំនួញថ្មី ប៉ុន្តែផ្ទុយពីនេះក៏ស្រាប់តែប្រភពទម្លាយថា សំ ប៉ូលីដា បច្ចុប្បន្នកំពុងកើតមានជំងឺថ្មីមួយទៀត គឺបញ្ហាបេះដូង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការឲ្យដឹងពីលោក ហេង ឡុង បានបញ្ជាក់ថា សមាគមមិត្តសិល្បៈស្ម័គ្រចិត្តជួយសង្គមកាលពីថ្ងៃទី២០ ខែមេសា នេះ បានឧបត្ថម្ភថវិកា”មូលនិធិសិល្បករចាស់ជរា”ថ្លៃថ្នាំពេទ្យ និងអង្ករ២៥គីឡូ,មី១កេស ,ត្រីខ១យួរ(ជាថវិកា)ជូនតារាកំប្លែងអ្នកនាង សំ ប៉ូលីដា ដែលមានជំងឺបេះដូង ។

សូមជម្រាបដែរថា កន្លងមកក៏ធ្លាប់មានការលើកឡើងថា តារាស្រី សំ ប៉ូលីដា សព្វថ្ងៃកំពុងមានសភាពទ្រុឌទ្រោមដោយធ្លាក់ខ្លួនឈឺមានជំងឺប្រចាំកាយគឺទឹកនោមផ្អែមនិងក្រពះធ្ងន់ធ្ងរផងដែរ ខណ:ពេលនេះក៏មានជំងឺបេះដូងផងនោះ៕

អត្ថបទ ៖ ចាន់រ៉ា