ជីវិតកម្សាន្ដ

លោក សុះ ម៉ាច ទម្លាយរូបថតអនុស្សាវរីយ៍ឪពុកទសវត្សរ៍៦០ ធ្វើឲ្យមហាជនចាំមិនភ្លេច

បានផុស

៣ years មុន

នៅ

ថ្ងៃសុក្រ ២៣ មេសា ២០២១

ដោយ

មហាជនដែលនិយមគាំទ្រនិងស្តាប់ចម្រៀងសម័យពីដើម ច្បាស់ជាបានដឹងនឹងស្គាល់ហើយថា លោក សុះ ម៉ាច គឺជាកូនប្រុសបង្កើតលោក សុះ ម៉ាត់ តារាចម្រៀងល្បីល្បាញអំឡុងទសវត្សរ៍ឆ្នាំ៦០-៧០។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាលោកបានឃ្លាតឆ្ងាយពីលោកឪពុក(លោក សុះ ម៉ាត់ ដែលស្លាប់)យ៉ាងណាក្តីតែជារឿយៗលោក សុះ ម៉ាច តែងតែបង្ហាញនូវស្នាដៃនឹងរម្លឹកនូវប្រវត្តិភ្ជាប់ជាមួយរូបភាពអនុស្សាវរីយរបស់ឪពុកជាបន្តបន្ទាប់ ដោយសម្តែងក្តីអាល័យជាពន់ពេក។

ជាក់ស្តែងថ្មីៗនេះលោក សុះ ម៉ាច បានគាស់កកាយទម្លាយរូបភាពអនុស្សាវរីយ៍ចំនួន២សន្លឹករបស់ឪពុកអំឡុងទសវត្សរ៍៦០និងរូបថតលោកនាអំឡុងទសវត្ស៩០ ដើម្បីឲ្យមហាជនបានឃើញនិងជាការរម្លឹកចំពោះលោកឪពុក ដែលបានចែកឋានយូរឆ្នាំណាស់ទៅហើយផងដែរ។ លោក សុះ ម៉ាច បានបង្ហោះភ្ជាប់ខ្លឹមសារថា រូបថតលោកពុកទសវត្សរ៍៦០ មិនដឹងទីតាំងតែនៅខាងរាជធានី(មិនច្បាស់)។ ឯខ្ញុំដើមទសវត្សរ៍៩០ត្រើយម្ខាងរាជធានីនៅមុខព្រះបរមរាជវាំងចៃដន្យមែន។នឹកលោកពុកបានត្រឹមតែមើលរូបថតនិងស្តាប់ចម្រៀងរបស់លោកប៉ុណ្ណោះ។

សូមបញ្ជាក់ថា លោក សុះ ម៉ាច កើតនៅឆ្នាំ១៩៧២ នៅសង្កាត់លេខ៧ (តំបន់ជ្រោយចង្វា)លោកជាកូនលោក សុះ ម៉ាត់ ម្ចាស់បទ «ផ្ញើកងចងដៃ»ជាបទចម្រៀងដ៏ល្បីនាទសវត្សរ៍ឆ្នាំ៦០-៧០)។លោក សុះ ម៉ាត់ បានទទួលមរណភាពក្នុងរបបប៉ុលពតក្នុងឆ្នាំ ១៩៧៧ នៅស្រុកបាភ្នំខេត្តព្រៃវែង៕

អត្ថបទ៖ ចាន់រ៉ា

សូមចុចអាន៖ ទេព រិន្ទដារ៉ូ សោកស្តាយខ្លាំង ដែលមិនបានសម្រេចបំណងមួយចុងក្រោយជូនលោក ម៉ៅ អាយុទ្ធ